يا جدي تسمع شكوتي... خانت أيامي ... و القلب ضامي
ريتك تشاهد حالتي ... عالترب دامي... و القلب ضامي
يـا جـدي ريـتـك جنت حاضر وياي ... بالغاضريه
خـلـوني وحدي ابكربله قوم اعداي ... و جاروا عليه
و ابـلا ذنـب حرموني من شرب الماي ... قوم آل أميه
زيـدت نيران العطش و جمرت اخيامي... و القلب ضامي
يـا جـدي بصواب الحجر دمي سال ... و شيبي تخضب
و سـهم المثلث قطع هرش الدلال ... و جبدي تصوب
و اخـيـول أميه هجمت اعله الأطفال ... و الخيم تلهب
قـوم الـلي سلبوا جثتي سلبوا أيتامي... و القلب ضامي
يـا جـدي هـاي الـقوم ما رحموني ... و ابحالي تدري
عـطـشـان و ابسيف الغدر ذبحوني ... و انقطع نحري
بـالـخيل من عقب الجتل سحقوني ... و هشموا صدري
قطعوا وريدي بلا ذنب و زادت آلامي... و القلب ضامي
ريـتـك تـشـوف النحر لمن قطعوه ... و انسفك دمي
ابـراس الـرمح نصبو راسي و شالوه ... و الوجه مدمي
و جـسـمـي ثلث أيتام بالطف خلوه ... عالغبره مرمي
و ابكربله جور الدهر و خيب أحلامي... و القلب ضامي
يـا رسـول الله الـجـسد ظل بالميدان ... طايح اموذر
و ابـلـيـا راس اموسد اعلى التربان ... و بالدمه أتعفر
و ظـلـيـت أتـنـطر يجيني الدفان ... و للدفن يحضر
خـلوني مرمي ابلا دفن و محد إيحامي... و القلب ضامي
مـغـصـوبه هاي الحرم جسمي اتعوفه ... منهدم حيله
و الـراس راح ويـه الـضـعن للكوفه ... يحرس العيله
يـا جـدي ضـعن الحرم ريت اتشوفه ... فاجد جفيله
عـالعايله اسهام اليسر و ظلت اترامي... و القلب ضامي
راسـي طـلـع ويـه الـفـواطم للشام... يخبرك عنها |
