للموت اوياك يا حيدر للموت اوياك من بايعناك يا حيدر من بايعناك
ما تصير اثنين جلمتنه صفينه اوياك نيتنه
للموت اوياك يا حيدر للموت اوياك
****
يا تاج النجف يا هيبة الشيعه عهدنه اوياك و الله ابدمنه توقيعه
القلب يهوه و قلبنه بحبك انطيعه الغيره الما رضه و ما صار تطبيعه
إنته المحبوب يا حيدر إنته المحبوب
منك منتوب يا حيدر منك منتوب
خليها اتدور دنيتنه صفينه اوياك نيتنه
***
عله اشفاف الدهر جلمة علي ارسمنه و اسمك بالدمه و ما ينذبح دمنه
درس منك يبو الفقره تعلمنه و صك يوم الحشر منك تسلمنه
بيه التوقيع يا حيدر بيه التوقيع
و هيهات انطيع يا حيدر هيهات انطيع
يا من عليت رايتنه صفينه اوياك نيتنه
***
الذبحت ما درت حبك يصير اكبر و كل قطرة دمه اتخطر اسم حيدر
العدو رايد يخلي الشيعه تتغير و حقك يا ولينه أبد ما يقدر
ظن هذا ابعيد يا حيدر ظن هذا ابعيد
عنك منحيد يا حيدر عنك منحيد
و الدنيه أشكال راوتنه صفينه اوياك نيتنه
***
أبونه و قائد إلنه اشما وكتنه اندار محامينه و حمانه و مأمن امن النار
مر حجي الصدق يا أمة المختار مت يوم انولد مثل الوصي الكرار
مثلك هيهات يا حيدر مثلك هيهات
يحضر شدات يا حيدر يحضر شدات
بسمتنه و حركت دمعتنه صفينه اوياك نيتنه
***
الليلوم اعلينه و ايريد الولينه انعوف مره خل يحب حيدر علي و يشوف
صحيح الما يصد قرص الشمس مكفوف يظل ابمعصية و حبل الطمع مجتوف
مكفوفه اعداك يا حيدر مكفوفه اعداك
جهلت معناك يا حيدر جهلت معناك
ما عرفت شوق فطرتنه صفينه اوياك نيتنه
**
علي من السمه نعمت مطر للقاع علينه المركب الدنيه الجبيره اشراع
و دين المصطفه لو ما يمينك ضاع و جا نهج العداله ينشره و ينباع
جا ضاع الدين يا حيدر جا ضاع الدين
و ما ظل اسنين يا حيدر ما ظل اسنين
لولاك اشلون حالتنه صفينه اوياك نيتنه
**
إحنه اوياك دنيه و آخره والله ابدربه من مشينه كل درب عفناه
عمرنه بالحزن يا سيدي عشناه و مرار أحقاد من الضدتك شفناه
نرفع هالصوت يا حيدر نرفع هالصوت
اوياك اعله الموت يا حيدر اوياك اعله الموت
يسمع هالكون صرختنه صفينه اوياك نيتنه
******
