لا لا تخلينه.. يبويه لا تخلينه ..... منهو اليواسينه.. يبويه من يواسينه و  ايـتـامـه ظـلـيـنـه .. .. يـبـويـه ايـتـامـه ظلينه هـذا الـنعش مطروح .. فقدك يفت الروح .. دم و دمع  مسفوح يـا  حـيـدر  ايـشيعوك.. و بكبرك ايدفنوك .. بالنايبه و بالنوح عكبك  نظل  أيتام .. نحمل هضم و آلام .. نحمل غصص و  اجروح مـن يـحـضـر الدفان .. و يوسد الجثمان.. باصرنه وين  انروح لا تـحـيـرنـه لا تـحـيـرنـه.. يـبـويـه لا تـحـيـرنه مـنـهـو الـيـصـبـرنـه يـبـويـه .. مـن يـصـبـرنه بـيـا حـالـه تـدريـنـه .. يـبـويـه ايـتـامـه  ظـلينه هـالـلـيـله يا كرار .. تتشيع من الدار .. و احنه اعله جمرة  نار انشوف النعش محمول .. يابه الحسن و انكول .. هذا الجره و  الصار نـصبر  عالمكتوب  .. نحمل هضم جم دوب .. عكبك يحامي  الجار بسمك  رفعنه الصوت .. بين الأجل و الموت .. و الحكمه و الأقدار ظـل خـالـي مـحـرابـك يـبـويـه.. ظـل خـالي محرابك مـن جـمـرة امـصـابـك يـبـويـه .. مـن جمرة  امصابك تـسـعـر  غـدت بـيـنـه .. يـبـويـه ايـتـامـه  ظلينه امصابك  أشد  امصاب .. نورك يحيدر غاب .. ظل موحش  المحراب يـا خـايـض الأهـوال .. يا رجفة الزلزال .. و من البعد  تنهاب اشلون اوقعت مصيوب.. من اسمك المهيوب .. ترجف ليوث  الغاب جـا  وينه عزمك ذاك .. اشلون الأجل وافاك .. تتوارى بين  اتراب اشـلـون الـدهـر خـانـك يـبـويـه.. هـالـدهر  خانك يــاريــتــه  دفـانـك يـبـويـه.. ريـتـه  دفـانـك كـبـلـك  يـواريـنـه .. يـبـويـه ايـتـامـه  ظـلـينه لـمـصـابـك انـعانينه .. دم و دمع نجريه .. و الجرحك انواسيه كـبـلك  ياريت انموت .. ولا ننظر التابوت .. بيه جسمك  امخليه دمـك  صـبـح كافور .. هذا الكبر محفور .. و الجسمك  ايواريه هـالـساعه  جن شالوك .. و بحفرتك نزلوك .. للمضجع  امحضريه جـن نـزلـوا جـسـمـك يـبـويـه.. جـن نزلوا  جسمك خـل نـنـدفـن يـمـك يـبـويـه .. خـل نـنـدفن  يمك خـابـت أمـانـيـنـه .. يـبـويـه ايـتـامـه  ظـلـيـنه جـنـازتـك  شـالوك .. يابه الحسن شيعوك .. و بحفرتك نزلوك إنته  البحر لو فاض .. و إنت الأسد لو غاض.. اشلون بلحد  خلوك طـبع  الشموس  اتنور .. ما تندفن بكبور .. و إنته اشعجب دفنوك يـا  مرجف المسكون .. صوتك يهز الكون.. اشلون بكبر  وارووك رديـنـه  بـالـدهـشـه يـبـويـه.. رديـنـه  بـالـدهشه و بــدارك الـوحـشـه يـبـويـه.. بـدارك  الـوحـشـه يـرعـانـه  بـاريـنـه .. يـبـويـه ايـتـامـه ظـلـيـنه بـهـالـحـالـه ودعناك .. و بمضجعك عفناك.. بالعبره فاركناك مـظـلـم لقينه البيت .. صحنه بحزن ياريت .. شفنه الأجل  وياك عقبك  يبو الأطهار .. وحشه و مظلمه الدار .. تبجي الهضم  فركاك اغـراب الـمـصيبه ايحوم .. و ايتامه صرنه اليوم .. ما نصبر بلياك لـيـك الـدمـع جـاري يـبـويـه .. لـيـك الدمع  جاري و بــذمــة الــبـاري يـبـويـه .. بـذمـة  الـبـاري هـو الـلـي يـحـمـيـنـه .. يـبـويـه ايـتـامـه ظلينه