هـذا الصار إبليل العاشر...إبليل العاشر هذا  الصار لـلـكـرار  أنقل  هالصوره... أنقلها القبر الكرار هالعيله  كلها...إتودع أهلها...إتودع أهلها يا  كرار فـزع قـلـبـي و لقيت الموت إبجنح الليل يتستر تـراودني  صور  و أشباح صحت إبصوت يا  حيدر أنـقـل  إلـك  يـا با الحسن مشهد حزن هالليله صـفـوة بـنـي عَمرُ العلى إجتمعت تودع العيله إهـموم  و ثوب الليله الأسود مزق جلباب  الأنوار و  أشباح  الموت إبكل خيمه تتخطف يا حامي  الجار زيـنـب أملها إتودع أهلها...إتودع أهلها يا  كرار إجـت زيـنـب يـبو السبطين و الآهات  حاطتها وقـفـت  يـن  أخوها حسين وقفت ضيم وقفتها قـالـت لـه إبـشـر يالإخو كل عيلتك مجموعه و كـل طفله ناحت لو طفل بيدي مسحت  إدموعه إنودعك يبن أمي و ما ندري إشترسم هالليله الأقدار أطـفالك  هاليوم إبظلك باجر خوف و ضيم و  نار إتـنـاطـر أجـلـهـا...إتـودع أهلها يا  كرار بـعـد صـوره يـحـامـي الجار بالعبرات أنقلها شـفـت  سـكـنـه  تبث إهموم للعباس  كافلها اتـقـلـه  يعمي  ابشيمتك جينه و قصدنه  الوادي هـيـبـة  ضـعنه رايتك و صارمك جان  الحادي و الـيـوم أشعر قلبي الصابر غرقان ابموج  الأكدار خـل  عـيـنك  ألثمها و ألثم هالجفين إيمين  إيسار سـكـنـه إبـوجـلـها...إتودع أهلها يا  كرار إجـت رمـله يبو الحسنين و موح العين ظل  ساجم تـريـد إتـودع الـعـريس تبث إهموم يم  جاسم اتـقـلـه يـبـهجة خاطري يالشوفتك تجلي  الهم عـالـحـومـه باجر زفتك و الحنه من فيض  الدم يـا  عـريس إبدال إشموعك تنشال إرماح و أشفار آنـه  و  عمتك زينب ننحب لمصابك نجري  الأعبار و الـهـم شـمـلـهـا...إتـودع أهلها يا كرار عـلـي  الأكـبـر يبو الحملات أمه إبنوح  متوالي تـقـلـه  إشـظـل بعد وياك بس هالليله  يالغالي خـلـيـنـي اودعك يا علي و أخمد جوانح تسعر وشـظـل  بـعـد  من هالعمر راح العمر  يالأكبر بـاجـر  هذا الوجه الطاهر إعليه تنثر هالخيل  إغبار زيـنـب من إتشوفك مرمي جن تنظر وجه  المختار إبـدمـعـه  الـتـهـلها...إتودع أهلها يا  كرار بـعـد  حـالـه يـبو الكلفات إلها إجذور  ممتده عـبـدالله الـطـفل هالموت صار يحوم عند  مهده هـالـطـفل  باجر ينذبح ضامي و يصب دم  نحره يـردون نـسـل الـمصطفه إهنا ينقطع من جذره و أمـه اتـريد الليله إتودعه و عالمنحر تشبح  أنظار شـالـت هذا الطفل الطاهر راحت للصفوه الطهار إتـريـد  إبـطـفـلـها...إتودع  أهلها يا  كرار