أضف الموضوع
الشاعر السيد عبد الخالق المحنّه - 23/06/2011م - 9:54 م | عدد القراء: 8648
إنـت غـايتنه و هدفنه ...يا حسين
و إحـنـه عالمذبح هتفنه ...يا حسين
صـرخـة الـدمـاء...تحيا كربلاء
يـا حـسـيـن يـا حـسـيـن
إحـنـه أحـبابك يبو الأكبر إجينه
نـلـطـم و نـار الألم مستعره بينه
إنـت بـاب الله و إلـك مدينه دينه
يـا حـسين و فرقتك تصعب علينه
وزعـوا عالغبره جسمك ...يا حسين
بـالسماء إنشوف دمك ...يا حسين
نـعـلـن الـولاء...تـحيا كربلاء
يـا حـسـيـن يـا حـسـيـن
إنـت يـالحبك سكن هاي الضماير
و دمـك إتـوزع عـلى العالم منابر
يـالـملكت الروح و الحب و المشاعر
ويـن مـا نـمشي نشاهد لك مناير
عـالـعـهد ظلينه إحنه ...يا حسين
لـو نصير إتراب صحنه ...يا حسين
دمـعـةِ الـوفـاء...تـحيا كربلاء
يـا حـسـيـن يـا حـسـيـن
مـن نـروح الـكربله نكتب وصيه
نـسـتـعـد للموت و إندور المنيه
يـا حـلاة الـمـوت برض الغاضريه
إنـصـيـح ما ننساك أبد يبن الزجيه
إنـت غـالي و تبقه غالي ...يا حسين
و إحـنـه لجلك ما نبالي ...يا حسين
تـربـتـك دواء...تـحـيا كربلاء
يـا حـسـيـن يـا حـسـيـن
صـحـنـه ويـن اليمنع الزوار وينه
إثـمـنـطعش مليون حضروا بربعينه
إحـنه عفنه أحبابنه و كلشي و إجينه
ويـن مـا قـالـوا خطر يمه إعتنينه
خـل تـشوف الناصبيه ...يا حسين
هـذا زحـف الرافضيه ...يا حسين
صـاحـت الـسماء...تحيا كربلاء
يـا حـسـيـن يـا حـسـيـن
إحـنـه عـلمنه البشر معنه الكرامه
و إحـنـه ما نعرف نطخ للذله هامه
إحـنـه قانون العشق عدنه و نظامه
هـذا عـشـق حسين يالرايد علامه
إحـنـه أثـبتنه إبجداره ...يا حسين
يـنـتـصـر دم الغياره ...يا حسين
آخـر الـنـداء...تـحـيا كربلاء
يـا حـسـيـن يـا حـسـيـن
إحـنـه تـربـة كربله صارت وطنه
عـدنـه مـا بين القمر و حسين جنَّه
هـالـمـحـبـه إعـليها ربونه أهلنه
جـف أبـو فاضل يظل رافع علمنه
إحـنـه دوم إنطيع أمرك ...يا حسين
نـزحف و نوصل القبرك ...يا حسين
نـنـصـب الـعزاء...تحيا كربلاء
يـا حـسـيـن يـا حـسـيـن
هـذا طـبـع الرافضي يوفي إبوعوده
و اللي يموت إعله الشرف يعلن خلوده
نـدعـو يـا رب العله الغايب تعوده
مـن يـجي مهدينه كل إحنه جنوده
عـدنـه إعـداك صوله ...يا حسين
و الـطفوف إتصير دوله ...يا حسين
نـرفـع الـلـواء...تـحيا كربلاء
يـا حـسـيـن يـا حـسـيـن
يـالـلي ضحيتوا إبطريق الحق دماكم
فـجـروكـم ظنوا إيخاف الوراكم
مـا دروا بـحسين طر قبره و إجاكم
خـلـه زواره إبـضريحه و إعتناكم
صحتوا عالموعد حضرنه ...يا حسين
و إنـخـتـم يمك عمرنه ...يا حسين
فـرحـة الـلـقـاء...تحيا كربلاء
يـا حـسـيـن يـا حـسـيـن |
|
