أضف الموضوع
الشاعر علي الخفاجي - 22/02/2012م - 1:01 ص | عدد القراء: 3028
نحيا وياك و نموت...يبقه صوتك أعله صوت ...ما نعوفك يا حسين
مـا نـعـوفك لو يقطعون النحر...و بدمانه اليوم نعرض لك صور
يبقه دمك خالد و طول الدهر...بإسمك إحنه إنذوب يا راعي الفخر
دمـنـه يـتـحـده الـسـيـوف ...غـيـر دربك ما نشوف
نـرفـع الـصـرخـه إبـيـقـيـن...مـا نـعوفك يا حسين
مـثـل يـومك ما حصل بالدنيه يوم ...يمك الأرواح بالحومه تحوم
خـل تـلوم الناس بينه إشما تلوم ...غير حبك بالدهر ما ظن يدوم
غــيــرة الله غـيـرتـك ...مـا نـعـوف إمـحـبـتـك
نـهـتـف إبـشـوق و حـنـيـن ...مـا نـعوفك يا حسين
غير شخصك ما عشقنه ولا نريد ...و إحنه الحد الموت ما نتبع يزيد
إنـبـيع دمنه و أبد ما نصبح عبيد ...نزرع الثار و يخضّر من جديد
عـدنـه هـاي الـتـضـحـيـات...ثـوره بـوجـوه الطغاة
نـخـلـد إبـطـول الـسـنـيـن ...مـا نـعوفك يا حسين
الـيـوم إجـينه إنقدم إعهود الولاء...تشهد الكل المواقف كربلاء
تـرجـمـينه إحروفنه إبفيض الدماء...ابصرخة الوجدان لبينه النداء
غـيـر شـخـصـك مـا يـصـيـر...مـا يـلوق إلنه أمير
و بـدمـانـه إمـوقـعـيـن ...مـا نـعـوفـك يـا حسين
بـالـطفوف إنفتحت أبواب الجنان ...ما تهمنه كربله و هذا إمتحان
يـبـو الـيمه إوياك نشعر بالأمان ...وين مثلك يحصل إبهذا الزمان
و الأنـصـار الـبـايـعـوك...الـلـيـلـه بـالدم عاهدوك
إنـت كـهـف الـثـائـريـن ...مـا نـعـوفـك يا حسين
مـا نعوفك يا شبل حامي الدخيل...وين ما مالت كربله إوياها نميل
نـصـنـع إبـدمـنه نريد المستحيل...تشهد إعلينه مناحرنه التزيل
خـلـي دمـنـه إيـوالـفـك ...بـالـزجـيـه إنـحـلفك
و مـثـل شـخـصـك نـلـقـه وين ...ما نعوفك يا حسين
صحنه يا مظلوم ما نعشق سواك ...شيعه و الآخر نفس نمشي ابخطاك
الـيـوم يـتقدس يبو اليمه ثراك ...و اليحبك باع روحه و إشتراك
نـهـتـف إبـسـوح الـقـتـال...دمـك إيـصـير السؤال
و لـلـشـهـاده إمـوقـعـيـن ...مـا نـعـوفك يا حسين |
|
