بـيـدي وعـلگت شـمـعـة سـابـعك  بيدي يـابـن أمـي وصـبي عيني..... وانه بغرب  تدريني بـيـدي وعـلگت شـمـعـة سـابـعك  بيدي حـسـيـن يـاشـمـعة حياتي علگت شمعة سابعك مـن جـمـر نـار الـمـصيبه الشاهدتها بمصرعك وعـالـجـثـث مـريـنـه يوم البيه ردنه نودعك شـفـنـه الـجـسوم مجطله... بدم الوريد  مغسله روعـنـي  مـنظر كربلا.... والفجع گلبي  إفجعك روحـي ظـلـت تـحـوم عـلـى الجثث روحي والـسـوط  مـتـولـيني...... وانه بغرب  تدريني بـيـدي وعـلگت شـمـعـة سـابـعك  بيدي إلـك يـامـظـلـوم سـابـع من گضيته  بكربلا وإلـنـه  سـابـع مـن سـبـونه ويتموا  هالعايله ولإبـنـك الـسـجـاد سـابـع گيدوه  بسلسله والـمـرض نـاره لـمهجته .... وبگلبي جمرة غربته يـاضـيـعـتي  ويا ضيعته.... شحال المفارگ  هله ذبـنـي  مـن عگب عـيـنـك والـدهـر ذبني وسـهـم الـفگد مـاذيـني.... وانه بغرب تدريني بـيـدي وعـلگت شـمـعـة سـابـعك  بيدي إلـك سـابـع يـوم لـمـن فـارگت هاي الحياة وإلـنـه  سـابـع يـوم كل ساعه ويمر بينه  الممات سـلـب  شـفـنه  وحرگ شفنه والمتون  مورمات يابن أمي من كثر الضرب .... خلانه مانشوف الدرب ودمـوعـنه لفگدك تصب ... وحگ رب  الكائنات عـلـيـنـه والـخـيـل لـمـن هـجمت علينه والـسـوط مـتـولـيـنـي... وانه بغرب تدريني بـيـدي وعـلگت شـمـعـة سـابـعك  بيدي آه  يـابـعـد  أهلي وعمامي وروح روحي وسلوتي رحـت مـنـي وعگ بـعـينك تجري ظلت دمعتي وفگد عـبـاس الـمـشـكـر والكفلني من إخوتي خـلـف بـدلالـي جمر.... وشاهدت بعيوني اليسر مـاتـم إلـي راي وصـبـر.... راح جابر  كسرتي ظـهـري مـن عگب عـبـاس إنـكـسر ظهري وسـهـم الـبـعـيـنه بعيني... وانه بغرب تدريني بـيـدي وعـلگت شـمـعـة سـابـعك  بيدي مـن  سگط حـامـل لـوانـه وانه بالشده  طحت تـذكـرت أيـام حـلـوه بظل گمر هاشم  عشت لگبـر  جـدي لـلـزيـاره بـليل من اطلع چنت عـبـاس جـيدوم إخوتي... ويمشي الحسن عن يمنتي وحـسـيـن  يبرى ليسرتي... وحيدر بذاك  الوكت لـحـالـي تـمـنـيـت عـيـنـه تـنظر لحالي والـدمـع مـا يـرويـنـي.....وانه بغرب تدريني بـيـدي وعـلگت شـمـعـة سـابـعك  بيدي مـن عگب عـزة جـلالـي والـدلال البيه عشت بـديـرة  الـكـوفـه يسيره وفرجه للوادم  صرت بـالـعـلـيـل وبـالـيتامى وحگ جدي  تحيرت لا تـهـجـع ولا تستكن .... تشعل دليلي من  تون وإبـنـك بگيـده مـمـتحن....وبالمصيبه تصوبت حــايـل والگدر يـابـن أمـي وگف  حـايـل مـابـيـنـك ومـابـيـني.....وانه بغرب  تدريني بـيـدي وعـلگت شـمـعـة سـابـعك  بيدي آه مـن رحّـى الـنـوايـب طحنت ظلوعي طحن ومـن تـون يـمـي الـيـتامى الگلب من يمه يون هـاي  تـصـرخ ذيچ تـبجي وگابعه بثوب  الحزن رمـلـه  على جاسم فازعه.... وليلى لولدها  مروعه وأم  الـطـفـل  مـتـلـوعه... لا تهيد ولا  تچن گلـبـي صـوبـنـي سـهـم الـنـايـبه بگلبي وعـيـالـك  الـسـابـيني.....وانه بغرب تدريني بـيـدي وعـلگت شـمـعـة سـابـعك  بيدي