» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر المرحوم السيد عبدالحسين الشرع - 06/07/2009م - 7:49 م | عدد القراء: 148164



    زيــنــب لــفــت يــم حــســيـن... لـﭽن ﮔابـعـه بـالـهـم
    تـﮔلــه يــا ضــوه عـيـونـي... عـلـيـمـن هـالـفـزع  مـلـتـم

    تـعـنـت  لـيـه  لـلـخـيـمــــــــه ... وتـفـسر الصخر ونتهـا
    طـبـت قـعـدت اﮔبـالــــــه ... وعـالـخـد تـهـل  دمـعتهـــا
    تـﮔلـه اعـلـيـك ضـلـع امـك ... الـمـظـلـومـه او مـصـيـبـتـها
    سـولـف لـي يـمـاي الـعـين...لا تخفي علي يحسيــن...عليمن هالفزع صوبين
    وأشــوف  ابــكـثـر عـج الـخـيـل ... وادي كـربـلــــه  غـيـم

    أويـلـي مـن سـمـعـهـا احـسـيـن... سـالـت دمـعة اعيونــــــه
    يـﮔلــهــا أخـاف أسـولـف لـﭻ... او وجـهـﭻ يـنـخـطـف لـونـه
    ابـﭽتــلـى او ﭽتـل أهـل بـيـتـي... يـخـتـي الـﮔوم  يـردونــــه
    ولا  بـد مـا تـشـوفـيـنــه...فـوﮔ الثره امـﮔطعينه...يزينب لا  تنوحينــه
    عـيـنـج عـالـيـتامه النــــــــار... لو شبت  بالمخيــــــــم

    تـﮔلــه  الـكـاتـبـك يـحـسـيــن... مـن هـالـنـاس ﭽـا  ويـنـه
    يـﮔل لـهـا يـمـاي الـعـيـــن... كـلـهـا انـﮔلـبـت  اعـلـيـنـه
    تـﮔل لــه حــمــل اضــعــونـك ... او سـدر لـلـوطـن بـيـنـه
    يـﮔل لـهـا مـا يـخـلوني...أسدر بعد بضعوني...نيتهم  يـﭽتلونـــــــي
    ولابـد  مـا تـشـوفـيـنــــــي ... او شـيـبـي يـﮔطـر امـن  الدم

    والأكــبــر عــالأرض مـطـروح ... يـخـتـي عـيـونـج اتـشـوفـه
    او جــاسـم عـالـثـرى مـرمــــي ... ابـدال الـعـرس  والـحـوفـه
    وأخـوج اعـلـى الـنـهـر نـايــــم... ويـمـه امـﮔطـعـه  اﭽفـوفـه
    او يـمـه رايـتـه او جـوده...او عـيـنـه ابسهم ممروده...بطل حيلي على ازنوده
    لـو  شـفـتـيـهـن ابكتـــــــــــره ... او جسمه اعلى الثره  امخذم

    يـخـتـي او سـهـم الـمـثـلـــث... ابـدلالـي تـشـوفـيـنـــــه
    او عــبــدالله الــطـفـل يـخـتـي... ابـدم نـحـره امـطـوقـيـنـه
    او لــو شــفــتـي الـشـمـر يـمـي ... ابـعـدي او لا تـحـاﭽيـنـه
    تره هو يـﮔطع ابنحـــري...او يتربع على صــــدري...يزينب عايني او صبري
    لــمــن يــحــكــم الــبــاري ... او هــوه ابـحـالـنـا أرحـم



    موقع القصائد الولائية © 2004 - 2013