» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر عبد الرسول حسن الخفاجي الكربلائي - 18/08/2009م - 6:07 م | عدد القراء: 21554



    لا لـيـلي ليل الناس لا تغمض  العين
    وانـه  تـعبت برباك تدري الربه  دين
    لــيـلـى تـنـادي ومـنـيـن

    ظـلـيـت  انا بلا راي وعيوني  تربي
    يـاولـيـدي من فرگاك تيّهت  دربي
    لــيـلـى تـنـادي ومـنـيـن

    مـحـتـاره بأمري اليوم والدمع فجر
    يـابـنـي الصخر لبچاي حن وتفسر
    لــيـلـى تـنـادي ومـنـيـن

    لا  تـنـسمع  نخواي لا أسمع  جواب
    مـظلم  عليّ  مريت ليش البدر  غاب
    لــيـلـى تـنـادي ومـنـيـن

    يـاولـيـدي نـايم وين دسمع  ونيني
    يـاولـيدي  شنهو الحال بينك  وبيني
    لــيـلـى تـنـادي ومـنـيـن

    يـاوليدي گلبي إنصاب والدمع  همّال
    ياوليدي مادري شلون ضعني تره شال
    لــيـلـى تـنـادي ومـنـيـن






















    تـاه  الـفكر والراي يبني رحت  وين
    وافـيـني حگ رباي يا ضنوة حسين
    أجـيـب  الـنـوم أنـا  لـعـيني

    ضـنـوتـي چانت بيك يا ثمر  گلبي
    وانـه  تـعـبت  برباك يشهد لي  ربي
    أجـيـب  الـنـوم أنـا  لـعـيني

    مـايـنـطـفي  الدلال نيرانه  تسعر
    ولامـن  جـواب ترد لأمك  يالأكبر
    أجـيـب  الـنـوم أنـا  لـعـيني

    لا تـنـطوي يا ليل أرد اعتب  عتاب
    وحـشه  السهر ياليل بغياب الأحباب
    أجــيـب الـنـوم لـعـيـنـي

    أمـك  وانـادي  عليك شو ما  تجيني
    مـتـحـيـره وانـخـاك  لاتخليني
    أجـيـب  الـنـوم انـا  لـعـيني

    جـار الـزمـان ويـاي وتغير الحال
    يـاهـو  اليرد نخواي والحمل لو  مال
    اجـيـب  الـنـوم انـا  لـعـيني


    منقول من شبكة هجر
    شكر خاص لعقيل السليمان لتفضله بكتابة هذه القصيدة

    موقع القصائد الولائية © 2004 - 2013