» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 10/09/2009م - 9:09 م | عدد القراء: 3928



    وداع  اويـاك هـالـليله ..... وداع  اوياك
    عـد مـن ودعـتنه ..... لو رحت و  عفتنه
    وداع  اويـاك هـالـليله ..... وداع  اوياك

    أربـع  يـتـامـه شاهدت يم الوصي مجتمعه
    زيـنب  إجت ويه الحسن تريد الأبوها  اتودعه
    و  تنحب أم كلثوم بحزن ما بين حسره و دمعه
    و احسين يحجي ويه الأبو و حيدر ابوه  يسمعه
    صـعـب  فرقاك هالليله ..... صعب  فرقاك
    و افـراقـك يـفتنه ..... لو رحت و  عفتنه

    نـاح الـحسن يم والده و ناداه فتني اصوابك
    بـيـن الـجوانح و الجبد تتواره نار امصابك
    الـلـيله الأخيره يا علي و باجر يحين  اغيابك
    ثـلـثـين  حيلي ينهدم و لو عاينت  محرابك
    الـدمـع نـاداك هـالليله..... الدمع ناداك
    أحـسـب  يـتمتنه ..... لو رحت و  عفتنه

    و النوب إجت زينب تحن و تتلاوح الها  الطبره
    و اتـكله هذي طبرتك رسمت لي ضلع  الزهره
    يـا بـويه باصرني صدق جسمك ينام  ابكبره
    قـبـرك يـاريته ابمهجتي جف المصيبه  ايحفره
    الـقـلـب ينعاك هالليله ..... القلب  ينعاك
    بـويـه  و ضـيعتنه ..... لو رحت و عفتنه

    هـالليله  كل  موج الدمع طافح بدار العصمه
    و نـاحت أم كلثوم بهضم و للوالي فزعت  يمه
    مـره تـقـبـل يـمنته و مره ابطبرته اتشمه
    تـحجي و دمعها امن الجفن يتسابق ويه الجلمه
    إجـيـت أنـخاك هالليله ..... إجيت أنخاك
    ابـهـالحاله  الشفتنه ..... لو رحت و  عفتنه

    رابـع وداع اللي حصل يختلف وضعه و  حاله
    حـيـدر تـغـير من نظر شبله لحسين  اقباله
    أومـى  له و بإذنه همس جلمه حزن أوحى  له
    و الـشـبله صار ايخبره باليحصل و يجرى  له
    خـبـر  وافـاك هـالليله ..... خبر  وافاك
    بـيـمـن  أمـلتنه ..... لو رحت و  عفتنه

    و احـسين حين اللي سمع هذا الخبر من  حيدر
    بـيـه  المصيبه اتلاهبت و بركان حزنه اتفجر
    نـاداه  لـوعت طبرتك و لوعتي بقطع  المنحر
    يـتـفرعن من فاطمه و ضلع أمي هوَ  المصدر
    و نـظـل بـرجاك هالليله..... نظل  برجاك
    طـول  الـعمر  نتنه ..... لو رحت و  عفتنه

    يـا  بـويـه مـلينه العمر يا عمر بعدك ينفع
    و هالليله يمنه و بالفجر جسمك يضمه المضجع
    و  جـم قـلـب بعدك عالقبر يتنثر و  يتقطع
    و جـم روح بـعدك يا علي بهالنايبه  تتصدع



    موقع القصائد الولائية © 2004 - 2013