» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 11/09/2009م - 12:13 م | عدد القراء: 3778



    يـحـيـدر مـن عـقـب عينك ... عليه جارت  أيامي
    يـاريـت  الـلي فضخ هامك ... قبل هامك فضخ  هامي
    يـا كـرار تـدري اشـصـار ... أصرخ و القلب  دامي

    يـاريـت  اصـوابك  ابراسي ... و لا شوفك علع  الغبره
    يـاريـت الـلـي فـضخ راسك ... ابراسي عين  الطبره
    عـلـه افـراقـك يـداحي الباب ... تسعر بالقلب  جمره
    اشـأصـبـر  يـا  علي و نعشك ... اليوم انحمل جدامي

    إنـشـال الـنـعش يا حيدر ... و قلبي امن الحزن  مالوم
    ألـوم إلـمـن ألـوم الـلـوم ... مـا ينفع اليوم  اللوم
    دمـعـي  ادموم قلبي ايحوم ... و هاليوم أشد من كل  يوم
    و  مـتـصـوب دليلي اسهام ... اقعد و احسب  اسهامي

    اهـمـومـي الـقـلب لو بجبال ... جان اتصدعت  منها
    يـداحـي  الـباب قلبي ذاب ... و روحي انصابت  ابونها
    يـون قـلـبـي تـحـن روحي ... مثل حن الإبل حنها
    و  نـشـاشـيـب  الدهر عقبك ... عليه صارت  اترامي

    كـل سـاعـه فـرد رمـيـه ... تـجيني و تمرد الدلال
    أصـب  دمـعـه  بأثر دمعه ... و دمعي اعله الوجن همال
    يـصـل  الـصيف ألف يا حيف ... إبن ملجم الك جتال
    و هـاشـم صاحت ابها اليوم ... و سود انصبغت  أعلامي

    و  هـاشـم صـاحت و ناحت ... و طاحت تلثم  ابقبرك
    تــنــادي قــوم يـا مـعـلـوم  ...............
    و  نـفـدي  لك مهج و أرواح ... عمرنه نرخصه  العمرك
    و  عـقـبـك يـا علي عقبك ... الدينك يا هو  اليحامي

    يـا  هـو اليحرس الأحكام ... يا حيدر و شخصك  غاب
    اشلون اصواب دهرك صاب ... و راسك و الجرح ما طاب
    يـداحـي  الـباب و المحراب ... أظلم و المصاب  امصاب
    بـمـصـابـك يـبـحـر الجود ... قلب المعتقد  ظامي

    ضـامـي يـا عـلـي ضامي ... قلب السنن و الأحكام
    و الإسـلام يـا ضـرغـام ... و مـصيوب بأشد اسهام
    ابـفـقـدك  شـيـعتك صاحت ... علينه جارت  الأيام
    زكـاتـي  إنـتـه يـا حـيدر ... صلاتي إنته و إصيامي



    موقع القصائد الولائية © 2004 - 2013