الـلـيـلـه  فـرحـتـنه فرحتنه .... الليله موعد  سعادتنه شــوقــي و هــيـامـي .... بـحـيـدر إمـامـي الــلــيــلــه مــوعــد  ســعــادتــنـه *** حـيـدر  أجـل محبوب ...عند المحب محسوب... نور  البصاير من حبه يحي اكلوب ... و اسمه صبح مكتوب ... فوق الضماير حـبه بأمل مصحوب ...و احنه بهواه انذوب ... باطن و  ظاهر بـفضله الفضل منسوب ... بيه المثل مضروب ... يحي  المشاعر الـلـيـلـه حـيـدر سـطع نوره ... الليله أمتنه  مسروره و  آنــه إلــتــزامــي ... بــحـيـدر إمـامـي **** هـذا الـذي نـهواه... عشنه العمر وياه .... بالفرحه و  المحنه تـالـي غصب عفناه ... بيا حاله فاركناه ... و بيا وضع رحنه رحـنـه  بوداع  الآه... هذا الذي ننخاه ... بالشده لو  طحنه طـيفه  بأمل نرعاه ...كل احنه ناديناه ... بصرخة محب  صحنه الـلـيـلـه فـرحـتـي بـمحبوبي ... الليله تتكفر  اذنوبي كــل اعــتــصــامـي .... بـحـيـدر إمـامـي **** حـيدر  حبيب الروح ... طيبه و حنان يفوح ... عالحق  يدلينه و  صدر المحب مشروح ... طيفه أبد ميروح ... نشرح  مضامينه لـيه  النظر مشبوح .... كل لحظه رسمه يلوح ... دجره  يسلينه بـحبه الغزل مسموح .... شوقه شفه المجروح... مصدر  أمانينه الـلـيـلـه  مستبشره الكعبه.... الليله نكشف صحف  حبه أصــبــح غــرامــي... بــحــيـدر إمـامـي **** من صفحة الدلال ... نشرح بيان الحال ... حب الوصي  جوهر بـكـل  شده و بكل حال ... تحقق الآمال... للي يحب حيدر دجـره  يظل عالبال ... و البعد مهما طال ... بينه الأمل  يكبر و خل تسمع العذال ... عن كلبي ما ينزال ... حبه و يظل  يكثر الـلـيـلـه  نـشـرح لـه حـالتنه ... الليله مبتشره أمتنه و  أحــرز وســامــي ... بــحــيـدر إمـامـي **** هـالـليله  شع  النور ... قلب المحب مسرور ... بوضح  معاني طـبـع الـمحب معذور ... هالليله حته الحور ... ترسل تهاني كـل  الـعمر منذور .... شوكَه يظل يدور ... بكَلبي و لساني لـلأمـه حـيـدر سـور ...و يحقق المذخور ... كل  الأماني الـلـيـلـه  فـرحـتـنه  بوجوده ... الليله بهجتنه مولوده مــعــنــه الـتـسـامـي... بـحـيـدر إمـامـي *****