» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر المرحوم الشيخ باقر الخفاجي - 14/12/2009م - 7:42 م | عدد القراء: 19153



    حـمـاي الـدخـل يحسـين * كل الأوادم يشهـدون
    بـر وبـحـر مـو مـنـكـون * جن وانسن  يعترفون
    بـس  وحـدة يا بو اليمة * العقل من عندها ظل  مذهول
    شـلـون انـهـضمت سكينة * سكت ولا قلت بحماي

    حـسـيـن يا حسين يا حسين حسين يا حسين يا  حسين

    عـزيـزة  قـلـبـك وجـتـك *شلون الشمر  يدناها
    روعـهـا وبـجـت يـمـك * وأنـت تـسمع بجاها
    مـن الـخـوف لاذت بـيـك * غـيـر يكون تحماها
    تـنـاديـك  بـرفـيع الصوت * يا بويه ويا بعد  جلاي

    يـبـويـه  من قطـع راسك * ومن هو الي سلب  ثيابك
    يـبـويـه غطه كل مصاب * مصـاب الما جرى  مصابك
    عـسـه  ابعيد البله امخضب * ومن فيض الدمه ا خضابك
    قـبـل لا شـوفـك ابـهالحال * يا ريت انعمت  عيناي

    عـمـت  عـيـني  ولا شوفك * ذبيح ويجري دم  نحرك
    وأنـصـارك  وأهـل بـيـتك * ضحايا مطرحة  بكترك
    يـا ريـت اتـعـقرت هالخيل * ولا جالت على  صدرك
    يـا ريـت الموت أخذ عمري * شلي بعمري عقب  ولياي

    شلي بعمري انقصف عمري * وعمري بدين عسى الما طال
    كـنـت مـحـجـبـة بـزغـري * ولن مجتفة  بحبال
    بـيـن اخـوتـي بـهـيـبة وعز * ولني بين قوم أنذال
    بـلـبـل طـوح الـحـادي * مـدري بيا كتر منواي

    يــبـويـه جـنه صار الصار * وعطشان الكفر  ذبحوك
    لـيـش بـهـالـشـمس عاري * ليش بكفن ما  لفوك
    لـيـش عـلـى الـرمح راسك * ليش بلا دفن  عافوك
    لـيـش  تـسـلـب حـجابي * صلات أتستر  بيمناي

    ردت أنـصـب مـنـاحـة عليك * ليش الكفر  منعوني
    لـيـش عـيـونـي مـن تدمع * بكعب الرمح ضربوني
    لـيـش  أقـطـع  دروب بـعاد * عنك غصب  مشوني
    أي  والله يـا بـو الـيـمة * جرعت الحنضل من  عداي



    موقع القصائد الولائية © 2004 - 2013