» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 17/12/2009م - 4:58 ص | عدد القراء: 24691



     يا فاطمة قومي إلى الطفــوف          هذا حسينٌ طعمة السيوف

    * * *

    يا أم العـــــــتره المظــــــــلوم          يا بنت الهادي المخــــــتار

    گومي وشوفي ابناتــچ بالطف          ما عدهن والـــــي ولا دار

    ايتام ورضعــــــان وخــــــــدر          بين الخيل وبــــــــين النار

    وحسين اموســـــــد بالمصرع          جسمه اموذر بالأشفــــــار

    حتى قضى بجمرة اللهــــــوف          هذا حسينٌ طعمة السيوف

    * * *

    بهاي المحنه عيال الهــــــادي          ما شافــــــت غــــير الآلام

    من كل عين ايفيض المــــدمع          والدم يجري مــن الأجسام

    هجمت عالعــــيله الخيـــــــاله          وما ظلت للعـــــــيله اخيام

    استار الصــيوان انسلــــــــبت          والأطفال اضحـــــــت أيتام

    يا لوعة الأيام والصـــــــروف          هذا حسينٌ طعمة السيوف

    * * *

    هذا حسين وهـــــــذا مصــابه          نوح ودمعـات اشجــــــــان

    مذبوح اتخضب مـن دمــــــــه          وجسمه اتچــــفن بالتربان

    ما تخمد جـــــــمرة دلالــــــــه          يا لوعة نــــــــار العطشان

    دمعات العـــــــين اشما تجري          ما تگدر تطــــــفي النيران

    الأمر عند الحاكم العـــــسوف          هذا حسينٌ طعـمة السيوف

    * * *

    هذا اليوم الـــــمامر مثــــــــله          افجع واصعب من كل يوم

    خيل وليل ونــــــــار وغـــربه          وحسرات ومدمــع وهموم

    فوگ ارماح الروس انـــشالت          ظلت عالتربان اجــــــسوم

    ما تطفه الــــــنار الملتهــــــبه          ولا ينشف دم المظلوم

    فَردٌ أتى والقـــــوم بالألــــوف          هذا حسينٌ طعمة السيوفِ

    * * *

    يا بنــــــــت المختار امصابــچ          بالعالم صوب چـــــم روح

    انتي المجروحه وما يشعـــــر          بجروحچ الاّ المجـــــــروح

    هذا حسين اگبالــــچ طايــــــح          مخضوب بدمه المسفــوح

    يالزهره وخل نسمع صوتـــچ          يصرخ آيبني المذبــــــــوح

    قومي الطمي وَجهَكِ بِالكفوفِ          هذا حسينٌ طعمة السيـوفِ

    * * *

    انتي المفجوعه المصيوبــــــه          دلالچ يصبر چــــــــم دوب

    يالزهره بــــــآلام اصوابــــــچ          ما يشعر غــــير المصيوب

    بيا عين حســــين تشوفيـــــنه          من دم المنـــحر مخضوب

    منهو ايغسل دم اجروحــــــــه          من يدفن جسـمه المسلوب

    وحولَهُ بحر مِن الصفـــــــوفِ          هذا حسينٌ طعمة السيوف

    * * *



    موقع القصائد الولائية © 2004 - 2013