» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر هيثم سعّودي الكربلائي - 17/12/2009م - 5:22 ص | عدد القراء: 2321



    حـيدر  حيدر حيدر حيدر .... دمنه‌ للمظلوم‌  اتوجّر
    حـيدر  حيدر  حيدر حيدر .... والدمع‌ بالعين‌ اتفجّر

    يـا  عـلـي‌ فـارت‌ دمـانـه‌ من‌ بزغ‌ يوم‌  المصيبه
    ‌ولـلـحـزن‌  رفـرف‌ لـوانـه‌ والگلب‌ فجّر  لهيبه‌
    يـا عـلـي‌ بـارض‌ وسـمـانـه‌ يعتلي‌ العالم‌  نحيبه
    ‌عـالـوگع‌  بـالـغـاضـريّـه‌  دامي‌ والجثّه‌ سليبه‌
    حـيدر حيدر حيدر حيدر .... ريتك‌ اتشاهد  هالمنظر
    حـيدر  حيدر حيدر حيدر .... ابنك‌ امخضّب‌  وامعفّر

    ابـنـك‌ امـخـضّـب‌ يحيدر ومرمي‌ بارض‌ الغاضريّه
    ‌والـبـقـيّـه‌ الا´ل‌ هـاشـم‌ يـم‌ ابـواليمّه‌  رميّه‌
    والـخـيـم‌ شُـعـلتها تلهب‌ يا علي‌ وارجاس‌  اميّه
    ‌مـن‌  بَـعـد  مـقـتل‌ حبيبك‌ دارت‌ اعله‌  الفاطميّه‌
    حـيـدر  حيدر  حيدر حيدر .... بالخيم‌ نيران‌ تسعر
    حـيـدر حيدر حيدر حيدر .... عالحرم‌ فرسان‌  تفتر

    يـا  عـلـي‌ عـن‌ يـا مصيبه‌ انخبرك‌ وعن‌ يا  فجيعه
    ‌عـن‌  عـرس‌ قـاسـم‌ حفيدك‌ لو عالحسين‌ ورضيعه‌
    لـو  عـالاكـبـر يا ولينه‌ لو عل‌ الچفوف‌  الگطيعه
    ‌لـو عـلـه‌ الـتـصرخ‌ يخويه‌ ضيّعتني‌ اشلون‌  ضيعه‌
    حـيدر  حيدر حيدر حيدر .... يا گلب‌ يگدر يتصبّر
    حـيدر حيدر حيدر حيدر .... شهل‌ المصيبه‌ الله  اكبر

    يـا  گلـب‌ يـصـبـر يحيدر لو سمع‌ صوت‌  العقيله
    ‌تـصـرخ‌ احـضرنه‌ يبويه‌ او خلّي‌ جسْم‌ ابنك‌  نشيله‌
    يـا  عـلـي‌ صـابـو جـبينه‌ والسهم‌ صابه‌  بدليله
    ‌والـشـمـر يـابـويـه‌ اشوفه‌ بيده‌ سيفه‌  ومعتنيله‌
    حيدر  حيدر حيدر حيد .... رتصرخ‌ الحره‌ وما  تحضر
    حيدر حيدر حيدر حيدر .... حزّو احسين‌ امن‌  المنحر

    يـا عـلـي‌ حـزّو وريـده‌ لابـنك‌ ابسيف‌  الخيانه
    ‌وارتـوت‌ ارض‌ الـعـقـيـده‌ من‌ سفح‌ دم‌  مقتدانه‌
    يـا  عـلـي‌  واحـنـه‌ نواسي‌ الثبّت‌ اركان‌  الديانه
    ‌وابـمـقـابـل‌ دم‌ حـبـيبك‌ شنهو قيمتها  الدمانه‌
    حيدر  حيدر حيدر حيدر .... دم‌ حبيبك‌ ازكه‌ واطهر
    حـيـدر  حيدر حيدر حيدر .... نبذل‌ الدم‌  ونتعذر

    يـا عـلـي‌ الـواجـب‌ علينه‌ چنّه‌ يوم‌ الطف‌  نقاتل
    ‌لاچن‌  الـفـتـره‌  بـعـيده‌ واحنه‌ أخّرتنه‌ الفواصل‌
    عـالـعـهـد جـيـنه‌ نواسي‌ بالسيوف‌  وبالعواسل
    ‌وابـمـسـيـل‌  الـدم‌ نِسجّل‌ خل‌ يلومونه‌  العواذل‌
    حيدر  حيدر حيدر حيدر .... واللي‌ يوم‌ الطف‌  اتأخّر
    حـيدر حيدر حيدر حيدر .... اشما يقدّم‌ لابنك‌  قصّر

    خـل‌ يـلـومـونـه‌ يـحـيدر احنه‌ متهمنه‌  الملامه
    ‌كـل‌  جـرح‌ كـل‌ طبره‌ تسعر تبگه‌ للعاشگ‌  علامه‌
    يـا  عـلـي‌  عـاهـدنـه‌ ابـنك‌ ما نعوفه‌  للقيامه
    ‌وبـالـحـشـر يـحضر ولينه‌ وكلمن‌ ايلوذ باءمامه‌
    حيدر حيدر حيدر حيدر .... او لوله‌ حبّك‌ يوم‌ المحشر
    حـيدر حيدر حيدر حيدر .... منهو يتخطّه‌ امن‌ المعبر



    موقع القصائد الولائية © 2004 - 2013