إسـمـع يـظـالـم انـت و عـبـيـدك .... لا ما نسالم منصافح ايدك يــوم الـخـنـدق يـنـعـاد .... و انـحـضـرك يـبـن ازيـاد لـلـجـنه حب حسين اشرف وسيله .... غايتنه احنه اوياه حره و  أصيله مـا  نـلـقـه بين الناس قائد بديله .... و لا تنجب الأكوان واحد  مثيله و هـذا انت يبن ازياد نفسك ذليله .... جامع ضعاف انفوس من كل  قبيله عـيـش  بخيالك .... فاشل منالك .... جينه القتالك .... انت و رجالك و هـذا الـعـكـسـر يـنـبـاد .... و انـحـضـرك يـبـن ازياد جـامـع  حشد  جرار زمرة نواصب .... و اتوضح ابعيناك سوء  العواقب مـهـما جمعت اجيوش وسط الحرايب .... ابهمة عزمنه انبيد هاي  الكتايب جينه و حسبنه احساب كل الجوانب .... شفنه الخلود ايريد نمضي و نحارب جـيـنـه  ابـعزمنه .... نعرض هممنه .... بالحومه دمنه .... ايخلد  اسمنه جـيـنـه انـحـقـق أمـجـاد .... و انـحـضـرك يـبـن ازيـاد بـالـدنـيـه  يبن ازياد فاشل مرامك .... يوم الحشر بالنار يصبح  مقامك اتعنينه  بالأسياف  نعلن خصامك .... و انكشفت ابكل حال ساعة  ختامك مـنـهـابك و منهاب سلطة نظامك .... مهما تصب نيران جور  انتقامك مـنهابك احنه .... و بالهمه صحنه .... من دم جرحنه .... انشيد صرحنه بـالـطـف حـان الـمـيـعـاد .... و انـحـضـرك يـبـن ازياد مـن  هـالحرب  متنول غير الخساره .... و لا يخدعك ذيباج قصر الإماره جـيـش  و طـلع وياك ابوسط المعاره .... ابهمة عزمنه اليوم نعلن  دماره أنـصار  أبو السجاد احنه الغياره .... و ريح الأجل بالسيف نكشف  غباره و بـهـا الـملاحم .... لا نظن نساوم .... لا تبقه .... واهم احذر يظالم و الــخـالـق بـالـمـرصـاد .... و انـحـضـرك يـبـن ازيـاد بـالـهـمـه و الإيـمـان و الـمعنويه .... جينه و نريد انزول دولة أميه نـحـمـل مـهج و انفوس حره و ابيه .... و بكل ثبات انخوض بحر المنيه و  دم الـنـحـر لـو فـاض بالغاضريه .... للأمه دمنه ايصير أثمن  هديه الـواجـب  دعانه .... انأدي الأمانه .... و نعرض دمانه .... لجل الدنيانه جـيـنـه ابـكـل إسـتـعـداد .... و انـحـضـرك يـبـن ازياد يـوم الـهـلاك اليوم يوم الإباده .... و جيشك يظالم حان موعد  حصاده و  احـنـه ابعزم فياض و بكل إراده .... بالحومه نفتح باب درب الشهاده و اعـرفـنه حب حسين أشرف عباده .... و اللي يتبعه اينول تاج  السياده حـسـين  اكتشفنه .... يعرف هدفنه .... للحق هتفنه .... و بيه  اعترفنه لــجـلـه انـقـدم أجـسـاد .... و انـحـضـرك يـبـن ازيـاد لا يـغـيـرك ابـدنـياك عرش الزعامه .... ما تلقه يبن ازياد غير  الندامه طـغـيانك ابها اليوم يصبح ختامه .... و كل طاغي بالأقدام نسحق  نظامه نـبذل  دمه و أرواح لجل الكرامه .... و ساعة نصرنه اتصير أوضح العلامه ابـلـهفة  أملنه .... للطف وصلنه .... صادق عملنه .... و ساعة  أجلنه تـصـبـح  سـاعـة مـيـلاد .... و انـحـضـرك يـبـن ازيـاد