» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر أبو علي الناصري - 12/03/2010م - 12:55 ص | عدد القراء: 2451



    يـا راحلين بها الضعن .... عدكم غريب ابها  الوطن
    مـسـلم اذكروا امصيبته .... واجب علينه  ازيارته

    مـن طـبـت اضـعـون اليسر مسبيه بيها  العايله
    طـوعـه  إجت تذرف دمع سمعت ضعن من  كربله
    مـن  شـافـت الـعيله بجت صاحت يهالي القافله
    اويـاكـم حـمـيـده امـيـسره إلها أمانه امحمله
    نـادت يـا هل بيت النبي .... عدكم قبر حر و  أبي
    بـالـعـزه رفـة رايـته .... واجب علينه  ازيارته

    لـن طـفله صاحت من بعد صدعتي يا حره  القلب
    آنـه  الـقصه اويايَ الدهر بت مسلم المات  ابغرب
    إحـجـي  حـالة والدي و مدمعها عالوجنه  يصب
    كـلـفـه  يـا طوعه فرقته فقد الأبو مر و  صعب
    بيه و غدر بيَ الزمن .... و اضلوعي من زغري انحنن
    صـاحـت  أسولف  محنته.... واجب علينه ازيارته

    يـا بـنـيـتـي وقفة والدج بالكوفه توجها الفخر
    عـلـمـها معنه التضحيه و يذكرها كل يوم  الدهر
    مـثـلـه  اعـله هاي النايبه بالدنيه ما واحد  صبر
    مـحـد قـدر يـوصـل إله لجن ألف وسفه انغذر
    و الـبايعت ما ناصرت .... و يا هي النوايه  اتغيرت
    مـا  أقـدر أوصف حالته.... واجب علينه  ازيارته

    دولـه  و  إجـت عـده و عدد لجن أبوج  الوحده
    كـبـر مـثـل عـمه علي و يوم الصميده  جدده
    مـن  سـيـفه أنهار و جرت بالكوفه من دم  العده
    لـجـن ألـف وسفه و لا واحد قصد له و ساعده
    يضمه  و أساقيه الورد .... و اعله العده عودج  يشد
    و أبـجي من أصد الوحدته.... واجب علينه ازيارته

    لـمـن وقـف بـيـن الـعده ليكم يدير  ابناظره
    و اتـمـنـه أبـو الأكبر حضر يمه و يقض  الميسره
    و الـمـيـمـنـه بـيد القمر عباس سبع  القنطره
    جـا قـروا اعـيـون الـولي جا نشفوا دمع الجره
    نـاده بـألـم يـوم انوله .... إرجع يبن عقد الوله
    صـعـبـه يـا بنتي غربته.... واجب علينه  ازيارته

    قـلـي وصـيـه ابـدمتج هذي يا طوعه اوصيتي
    بـالـكـوفـه لـو مر الضعن شوفي حميده  ايتيمتي
    خـبـري  الأهل  باللي جره عن محنتي و عن  غربتي
    وصـي  الـعـقـيـله بت علي عدها أمانه  عيلتي
    مـن  يـومـه أنطر و أنتظر يمته تجي اضعون  اليسر
    خـاطـر أوصـل اوصيته.... واجب علينه  ازيارته

    و  الـفاجعه الأصعب و أشد و الهدمت سور  الصبر
    يـاريـت  عميه ولا شفت لمن هوه امن اعله  القصر
    لـو  أدري يـسـلـم والدج أفدي له يبنيتي العمر
    نـاصـرتـه  لجن  ألتمس من عندكم انطوني  العذر
    خـاف  ابنصرتي قصرت .... عن الطفوف  اتأخرت
    حـزني  اعله أبوج و قصته.... واجب علينه  ازيارته



    موقع القصائد الولائية © 2004 - 2013