» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب السيد سعيد الصافي الرميثي - 15/03/2010م - 12:00 ص | عدد القراء: 8250



    آنـا  بـيـوم ولـدتـنـي أمـي.... حـب حـسـيـن يسري  بدمي
    والـرايـد يـكـفـرني.... ما يگدر يغيرني .... حب حسين يسري بدمي

    هـذا الـحـب نـاتـج عـن فـطـرة يـوم الـصـرت وصار اوياي
    الله يـجـازي أمـي الـرضـعـتـنـي حـب اتـمـلـك كل اعضاي
    مـن زغـري وتـخـنگنـي الـعـبـرة واتـحـسـر من اشرب ماي
    مـا  عـنـدي لـسـان وحـتـى اسـأل شـنـهي السر يا ناس بهاي
    أسـأل لـيـش تـهـمـل عـيـنـي.... شـرب الـمـاي ما يرويني
    عاشگ وانا ما ادري.... رابي وياي من زغري.... حب حسين يسري  بدمي

    وكـبـرت وگمـت اعـرف كـل شـي واتـوضـح لـعـيوني النور
    لـكـن ظـل سـر مـحـيـرنـي يـوم الـعـاشـر مـن عـاشـور
    هــذا الــيـوم اشـمـا مـر بـيـه دم الـبـشـريـان يـفـور
    مـعـنـاهـا حـسـيـن الـحـبـيـتـه راسـه بسيف الشر مطبور
    والـتـعـبـيـر  عـن احـسـاسـي.... يـعـني يصير من دم راسي
    لـو  بـدماي  واسيته.... عن اخلاص حبيته.... حب حسين يسري  بدمي

    كــل مــا أكــبـر يـكـبـر حـبـي وازاد ايـمـان واصـرار
    لـمـن خـط حـسـيـن اعـرفـتـه مـن عـنـدي يـريد  الايثار
    شــديـت احـزامـي بـإخـلاصـي رحـت ويـا الـراحـو زوار
    گاصـد مـشـاي الـمـحـبـوبـي واشـلـون اتـردنـي الاشـرار
    صـحـت بـصـوت لـو ذبـحـونـي .... عـن حـسـين ميمنعوني
    روحي  بچفي  شايلها.... اريد الگبره اوصلها.... حب حسين يسري  بدمي

    ركـزت بـنـاظـر وجـدانـي شـفـت حـسـيـن يـمـثل  ديني
    ومـن يگدر يـا نـاس يـظـلـنـي حـبـه الـدرب يـهـديـنـي
    جـربـنـي وأيـس مـن عـنـدي شـيـطـان الـنـفـس اليغويني
    يگلـي اشـلـون الـكـرسـي الـزائـل والـمـال الـيـنفذ يغريني
    اي والله ثــابـت عـهـدي غـيـر حـسـيـن انـا اشـعـنـدي
    الـغـيره ما أمد ايدي.... يبقي بإسمه تغريدي.... حب حسين يسري  بدمي

    تـاج الـخـدمـه الـبـيـه اتـنـومـس بـيـن الناس انطاني  الرفعه
    والـحـاقـد خـل يـنـزع جـلـدي بـس لا هـذا الـتـاج ينزعه
    والچف الـبـيـه اضـرب صـدري والـعـيـن الـتـهـمل  بالدمعه
    بـاچر الگاهـن جـدامـي يـضـون گبـري يـصـيـرن  شـمـعه
    اشـلـون ايـطـول گلـي احـسـابـي.... حـب حسين هو  اكتابي
    مـنـكـر مـا يـحاسبي.... يا نار التعذبني .... حب حسين يسري بدمي

    وشگال  الـصـادق يـالـشـيـعـي فـكـرك يـمـي وركز  واسمع
    مـركـب  حـب حـسـيـن يـوصـفـه من كل مركب هو الاوسع
    وحـسـيـن مـقـدم لـلـبـاري يـوم الـعـاشـر حـتى  اليرضع
    والـبـاري مـخـولـه شـمـايـطـلب عـنـد المحشر هو اليشفع
    لــلـخـدام هـاي ابـشـاره.... كـل مـن طـاف گبـره  وزاره
    ويحضره بوكت موته.... كل مخلص رفع صوته.... حب حسين يسري بدمي



    موقع القصائد الولائية © 2004 - 2013