أضف الموضوع
الشاعر هيثم سعّودي الكربلائي - 03/04/2010م - 12:17 م | عدد القراء: 4536
أنــدعــيــلــك...أنــدعــيـلـك
وانـتـظر يبني تجيني .....او عالدرب مشبوحه عيني
عـالـدرب مـشـبوحه عيني يا علي وعيوني تربي
او گلـبـي مـا يـملك قراره يل خذت ويّاك گلبي
أنـتـظـر يـبـنـي تجيني واندعي والباري حسبي
هـذا روحـي يـا اءلـهـي او ما اءلي غيره يربّي
يــجــري دمـعـي....او گلـبـي يـدعـي
يـا اءلهي او يا مُعيني ....او عالدرب مشبوحه عيني
هـذا روحـي يـا اءلهي او صوره منّ الهادي جَدّه
هـذا غـصـن الـلّـي جنيته وازهر ابدلاّلي ورده
هـذا ابـنـي الـلّي ذخرته او للشدد منطيني عهده
يـا مـن الـيـوسـف جمعته ابوالده لوليدي رِدّه
هــوّه روحــي....او لــجـلـه نـوحـي
ما بطل نوحي او ونيني ....او عالدرب مشبوحه عيني
يـا عـلـي مشبوحه عيني الحومتك وادموعي تجري
او يـجـري ذكراك اعله بالي او ينشغل برباك فكري
أذكـر أتـعـابـي او ونيني والسهر وادموع صبري
او مـن أشـوفك عنّي غايب ينكسر يوليدي ظهري
يــاحــيــاتــي ....وامــنــيـاتـي
عود اءليّهاو ردلي ديني ....او عالدرب مشبوحه عيني
أنـتـظـر بـالخيمه يبني او منشغل فكري ابغيابك
ولـنّـي أسـمـع بـالـنوايب يبني تنعالي مصابك
يـا عـلـي واشـلون جيبه والدك للخيمه جابك
امـخـضّـب ابدمّك حبيبي يلرحت فدوه الشبابك
يــا حــبـيـبـي....او چن نـصـيـبـي
يـنگطع بينك او بيني ....او عالدرب مشبوحه عيني
يـا عـلـي هـذا انـته يبني بالدمه مخضوبه جثتك
يـبـني ريت اعيوني تعمه او لا علي' هلحاله شفتك
يبني گوم او ردلي روحي وارسم ابوجهي ضحكتك
يـبـني روحي تسري بيّه لو شفت تبسملي شفتك
انــهــض ابــنــي....دهــري ذبـنـي
وانته مذخور السنيني ....او عالدرب مشبوحه عيني
والـدهـر ذبـنـي يـالاكبر يا ثمر گلبي او حبيبي
وانـتـه مـذخـور المشيبي واصبح ابفگدك مشيبي
يـبـنـي يلرحت او عفتني الونّتي او دمعي او نحيبي
لابگه أتـسـلّـه ابـطيوفك يلصُبح طيفك نصيبي
و أبــطــيـوفـك....يـبـنـي أشـوفـك
اتگلّـي يُمّه استقبليني ....او عالدرب مشبوحه عيني
يـا عـلـي مـا خـيّـبتني او بالحرب وفّيته ديني
انـتـه ضـحّيت ابحياتك او قرّت اعله ارباك عيني
والاجـل يـا فـرحـة اُمّك لو گطع بينك او بيني
ابـجـنّـة الـفـردوس يـبني نلتقي وانته التجيني
او مــن تـضـمـنـي....اتگلّـي يـبـنـي
مـنـتظر يوم التجيني ....او عالدرب مشبوحه عيني |
|
