هـذا الأكـبـر يـشـبه جدي....يشبه  جدي اعـليمن  هالجيش الجرار....عالأكبر لو  عالمختار مـن  راد الأكـبـر يـطـب سـوح  الحرايب لـن  ابـو الـيـمـه هـتـف من قلب  ذايب نـاده  اعـلـه جـيـش العده اوياكم  أخاطب اعـلـيـمـن  إجت حاشده اجيوش و  كتايب حـسـين يشاهد هالمنظر....وجه انخطف و  اتغير مـره  ايـودع الأكـبر....مره ايخاطب  العسكر يـصرخ  يا من خنتوا ابعهدي.... خنتوا  ابعهدي اعـليمن  سليتوا الأشفار....عالأكبر لو  عالمختار سـبـط الـنـبـي اويـه الـدمه صوته ايتردد هـالـجـيـش الـمـن إجـه و بالطف تحشّد إلـهـم الأكـبـر بـرز يـا ربـي  إشـهـد ايـذكـرنـي وجـهـه ابـوجـه جدي  محمد و  هالعسكر  ابليه أسباب....جرّد للمنايه  احراب و لـمن ينذبح هالشاب....باجر اشينطون اجواب هـذا الـمـوقف ذوب جبدي.... ذوب جبدي و  قلبي  اعليمن يلهب نار....عالأكبر لو  عالمختار هـالأمـه  حـيـف ووسـف نـكرت  عدلها سـفـك  الـدمـه و الـغـدر أصـبح  أملها الأكـبـر ابـوجـه الـنـبـي اتـوجـه  إلها اشـلـون  الأمـه  هـذي اتـقـاتـل  رسلها وادم  عـالظليمه اتحوم....لو جان النبي ابها  اليوم هم جان اعتنوا له القوم....سفكوا للرسول ادموم إتـعـنوا  للطف  وقفوا ضدي ....وقفوا  ضدي اعـليمن  تهجم هالأشرار....عالأكبر لو  عالمختار الأكـبـر  لـون يـبـرز و لـلـحومه  يطلع يـنـهـار  عـزمـي  و ركـن حيلي  يتصدع لـو  شـفـت جـسـمه هوى ابحومة  المصرع أفـتـح أبـواب الـجـفـن و انـزف  المدمع اشـلون اصبر عالأحزان....أشوف إقبالي  بالميدان شـبه  الهادي عالتربان....طايح و اتحيطه العدوان يـنـفذ  صبري و ميظل عندي.... ميظل  عندي و حزني اعليمن هاج و ثار....عالأكبر لو عالمختار لـو شـفـت إبـنـي انـصرع و انسفك  دمه أصـرخ مـحـمـد وقـع عـالـغبره  جسمه أقـصـد ابـلـهـفـة قـلـب و أتـعنه  يمه و مـن مـجـره نـحـره الـيسح إقعد و اشمه لـو شفت الجسد مطروح....أناديه ابعويل و نوح هـذا ابـني علي مذبوح ....لو دم النبي  مسفوح فـوق  اجـروحـه أفـرش خدي أفرش  خدي و أصرخ إلمن فكري احتار....عالأكبر لو عالمختار ابـيـا عـيـن أشـوف الـولـد وسط المعاره ابـهـيـبـة مـحـمـد لـكـن دمه ايتجاره بـالـقـلـب  مـشـعـل حزن ما تطفه  ناره دمـعـي جـمـر عـالأكـبـر يـلدع شراره لـمـصـابه تشب نارين....من يرتمي ابحجر البين فـيض  ادموعي  ما ظن يجدي .... ما ظن  يجدي اعـليمن  هالمدمع  مدرار....عالأكبر لو  عالمختار مـن اوداع الأكـبـر بـدت لـحـظت عذابي و انـرسـمـت اعـلـه الجفن صورت  مصابي لـو غـاب الأكـبـر أحـس يـقـرب غيابي مـا يـلـوي جـف الأجـل لـوم و  عـتابي و  اعله الأجل و المحتوم....ما يجدي اعتاب و  لوم و  اعلينه القدر مرسوم....حق نصبر اعله  المقسوم عـقـب الأكبر يقرب وعدي.... يقرب  وعدي و  اعليمن شاءت الأقدار....عالأكبر لو  عالمختار