» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر السيد سعيد الصافي الرميثي - 18/04/2010م - 11:40 ص | عدد القراء: 3291



    راد ابـدمـوع الـعـيـن ..... يغسل دمه  الجفين
    و  انــكــســر ظــهــر احـسـيـن

    صـوت الوفه امن المشرعه ..... يا حسين لمن  صاح
    يـعـثر يتعنه المصرعه ..... و عاين عضيده و  طاح
    شـاف الـجفوف امقطعه ..... و احزام ظهره راح
    و احسين إجاه ايودعه ..... ضمه اعله صدره و  ناح
    يـكـلـف  عـلي فرقاك ..... يا خويه آنه اوياك
    جـنـه  ابجسد روحين ..... و انكسر ظهر  احسين

    عـبـاس يـا رمز الوفه ..... و الغيره و  الإحساس
    يـا  الخوتك  صارت صفه ..... و للخوه بين  الناس
    يـا إخـو الـمثلك موقفه ..... يا صاحب النوماس
    بـالـفـضل  بحر المعرفه ..... و بالشده رافع  راس
    مـثـلك  إخو ما صار ..... من طحت قلبي  إحتار
    ويـن  ألـقه مثلك وين..... و انكسر ظهر  احسين

    اجـفـوفك عليها دنكت ..... يا خويه و بيا  حال
    أغـسلها بدموعي ردت ..... لن دمعي من دم  سال
    عـباس يا خويه صحت ..... اصوابك كلف  جتال
    و إنكسر ظهري لو طحت ..... عندي اشبقت آمال
    لـصـفـق  الأيـد بأيد ..... عقبك بقيت  اوحيد
    بـيـن  الـعده صوبين..... و انكسر ظهر  احسين

    فـوق  النهر شفت العلم ..... طايح يا راعي  الزود
    و  الأصـعـب حيلي انهدم ..... شفت بلايه ازنود
    شـفـتك تلوج من الألم ..... و اشلون قلبي  ايهود
    و من ردت أجيبك للخيم ..... قلت لي بعد ما  عود
    قـطـعت  جفوفي اتهون ..... لكن ابسكنه  اشلون
    و الـعـهـد مثل الدين..... و انكسر ظهر  احسين



    موقع القصائد الولائية © 2004 - 2013