» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر أبو علي الناصري - 24/06/2010م - 7:30 م | عدد القراء: 3139



    الـلـيـلـه  كلمن شوقه...جايبه  المعشوقه
    إبـشـوق إجـيـنـه ...يـا علينه يا ولينه

    كـلـمن  اعله إجناح شوقه معتني يا  حيدره
    و كـل محب محبوبه تدري إبنظره يجبر  خاطره
    اويـاك  طـول إنـتظاري و موعدك  أتنطره
    طـفـل  قلبي و ما فطمته إيريدك و  شيصبره
    و كـل مـحـب مـحسوبه ...لهفته المحبوبه
    و  إعـتـنـيـنـه  ...يـا عـلينه يا ولينه

    مـوعـد  و  لحظاته مرت لحظه من مره  أشد
    و إنـت الـمربينه تدري اوياك ما نخلف  عهد
    يـا  هـلـه ابهاالبشره إلنه الجابها طير  السعد
    قـلـي  يا  مولود مثلك مكه صارت له  مهد
    بـالـوفـه إتـنـاغـي له ...مكه و  إتلولي
    أم حـنـيـنـه ...يـا عـلـيـنه يا ولينه

    جـبـنه كل إجروح حبنه البينه خلاها  الزمن
    انـريـد  بـالميلاد  تشفه ابجيتك يا با  الحسن
    و  عـلـى حـبك يا ولينه شفنه أنواع  الفتن
    لـجـن إنـعيش ابسعاده اوياك غصبن عالمحن
    إنـهـني  جينه اولادك ...شيعتك و  أحفادك
    تـدري بـيـنـه ...يـا عـلـينه يا  ولينه

    هاي فرحة كل شريف و كل وفي و حر و  أبي
    يـا حـبـيـبـي الما يحبك كفر بالله و النبي
    و إسـمك اعله إبتوت قلبي رمز ديني و مذهبي
    نـعـمـة  الحق و الولايه امن الله هذا  مطلبي
    الـبـاري خـير إنطانه ...غصبن إعله إعدانه
    امـعـاهـديـنـه...يـا عـلـينه يا ولينه

    يـا قمر تزهي ابسمانه و تظل تضوي ما  تغيب
    آنـه مـو بيدي أحبك شنهو هالسر  العجيب
    آنـه  حـسيت بمحبتك ويه رشفات  الحليب
    و من فتحت اعيوني لني اوياك محبوب و حبيب
    و لـنـي مـسلم شيعي ...يا علي و توقيعي
    إبـدم مـضـيـنـه...يـا عـلينه يا  ولينه



    موقع القصائد الولائية © 2004 - 2013