» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر أبو فاطمه العبودي - 29/08/2010م - 8:52 م | عدد القراء: 6069



    جـرحـك  جـدد كـل إجـروحـي هـاي  الـليله
    زيـنـب  آنـه و لـجـلـك نـوحـي هـاي الليله
    جيتك  أخف الجذم ...صبري اعليك إنهدم ...هاي  الليله

    يـبـويـه  يـا مـن اتـربـيت ابحجرك آنه من  زغري
    مـكـسـورة  قـلـب جـيتك أظن ما ينجبر  كسري
    حـيـن إسـمـعـت بـصوابك صفه دمعي دمه  يجري
    إنـدهـل عـقـلـي يبويه ابحين شفتك و إنشده فكري
    مـثـل إدمـوعـك أذرف دمـعـي لـجـل امصابك
    يـا حـيـدر و إتـغـيـر وضـعـي لـجل امصابك
    بـويه  و أقسم قسم...صبري اعليك إنهدم ...هاي  الليله

    يـبـويـه  مـا حسبت إحساب أشوفك يا علي  مجروح
    عـلـى إفـراش الـمـنيه اتلوع يبويه و من ايديه اتروح
    أنـا زيـنـب تـخـلـيـنـي للهم و السهر و  النوح
    لـون  بـيـدي جنت أفديك و دونك بويه أفدي  الروح
    مــاريــد إوداعـك يـالـوالـي لـتـودعـنـي
    أفـديـك  ابـروحـي و كـل غـالـي  لـتـودعني
    ابوجهك حزني إنرسم...صبري اعليك إنهدم ...هاي الليله

    يـبـويـه  مـا أظـن دهـري عـقـب عيناك  يرحمني
    يـبـويـه  بـاجـر  ابـغـيـرك بخوتي إردود  يفجعني
    شـسـوي  لـو رحـت عـنـي يبويه أرجوك  كلمني
    تـمـنـيـت الأجـل ويـاك لـمـي الـزهره ياخذني
    بـيـن إهـمـومـي و بـيـن آلالامـي لـتـضيعني
    و بـحـزنـي و بـغـربـة أيـامـي لـتـضـيـعني
    شـوفـي مني إنعدم...صبري اعليك إنهدم ...هاي  الليله

    يـحـمـاي الـحـمـيه اليوم أشوفك منخطف  لونك
    عـلـى إعـيـالـك و أهـل بيتك تدير الليله  بعيونك
    تـودعـهـم يـحـامـي الـجار و أشوفنهم يودعونك
    و أسـمـعـنـك تـوصـيـهم و أهل بيتك يسمعونك
    يـالـرسـمـك سـاكـن بـعـيـونـي لـتـخليني
    بـيـن أشـواقـي و بـيـن إضـنـونـي  لـتخليني
    ابـلوعه  أصيح و ألم...صبري اعليك إنهدم ...هاي الليله

    بـس هـالـلـيـلـه يـا بـو حسين إنت يا علي يمي
    مـن  أشـوفـك  أنسه آلالامي و حزني و لوعتي و همي
    و  بـاجـر بـالـطـفوف أفقد إخوتي و كل ولد  عمي
    أظـل ابـكـربـلـه وحـدي و أشـوف النار  بخيمي
    يـوم الـطـف وحـدي ايـخـلـونـي كـل أحبابي
    ابـخـذر و أطـفـال يـكـلـفـونـي كـل أحبابي
    من أطفي لهيب الخيم ...صبري اعليك إنهدم ...هاي الليله

    يـبـويـه  لـو رحـت عـنـي و أمي الزهره  تنظرها
    وصـيـه  هـاي مـن عـنـدي أريـد هناك  تذكرها
    تـسـلـم لـي عـلـيـهـا اهواي و عن حالي تخبرها
    تـقـلـهـا زيـنـب إخـلافج بقت مكسور  خاطرها
    يـا  حـيـدر خـبـر الـزهـره مـن  إتـقـابـلها
    تـنـطـيـهـا عـن حـالـي الـفـكره من  إتقابلها
    الـحزني ايرفرف علم...صبري اعليك إنهدم ...هاي الليله



    موقع القصائد الولائية © 2004 - 2013