» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر مقداد الهمداني - 29/11/2010م - 1:14 ص | عدد القراء: 2897



    طـفـلـه و يـم قـمـرهـا جـايـه تتعذر ... دمعها من دمه عالوجنه  يتقطر

    سـامـحـنـي يـا عـمـي هالقلب ندمان ... مقطوع لساني ولا اشتكه لحزان
    و  لا قـلـت لـك يا عمي هالثغر عطشان ... السبب آنه تطيح امقطع  الذرعان
    عــلــه  الــغــبــره تــطــيــح و جــسـمـك  اتـوذر

    الـسـبـب آنـه أشـوفـك عالترب مرمي ... السهم لعيونك امطفيها يا  عمي
    يـاريـت الـهـمـصـيـبـه مـولدتني أمي ... و لا أبقه أحير ابهمك و  همي
    خـلانـي         الـدهـر         مـن         صـغـري         أتـحـيـر

    اشـدهاني  منك اطلبت العذب و الجود ... أنه ادموعي السبب من صابك  العامود
    يـا عـمـي ما جنت أدري بعد متعود ... و ابروحك يا غالي اعله العطاشه  اتجود
    تــرحــل  و الــقــلــب مــن عــدهــا  يــتــفـطـر

    سـكـت ريت اللسان و لا نطق بإسمك ... و لا جنت انتخيت ابزودك و  عزمك
    يـاريـت  ارجـولـي مـقـطوعه ولا يمك ... وقفت ولا جنت حلفتك  بإمك
    اشــيــصــيــرن لــو جــنــت يــا روحــي أتـصـبـر

    يـا ريـت اعـيـوني تعمه و ينسفك دمها ... ولا قلت لك يا عمي دمعتي  إرحمها
    ولا شـفـت الـحـرم مـتـحيره بهمها ... ولا قلت لك خواتك عمي  كلمها
    شــســوي و الــجــمــر بــطــفــالــك  اتــفـجـر

    مـسـحـت ادموعي و اتصيح الأمل هالروح ... عمي و ما يخليني ابقلب  مجروح
    تـالـيـهـا لـقيتك عالترب مطروح ... السبب آنه امن أشوفك يا قمر  مذبوح
    مــن        دم       الـنـحـر       يـا       عـمـي        تـتـعـفـر

    ابنفس عيني اللي بيها اكسرت الك قلبك ... يا عمي شفتك و سهم العده ايصوبك
    و دم الـلـي نـزف مـن جـفـك ايخطبك ... ششوف بها العيون الهايمه حبك
    هـم         أقــدر         أشــوفـك         دامـي          تـتـصـور

    يـا مـن بـإسـمـك دلـيلي مغرم و هايم ... اشلون أقدر أشوفك عالنهر  نايم
    اويـا عـذر الأقـدم و الـقـلـب نـادم ... هـم عذري يردك يا قمر  هاشم
    و  مــن عــطــرك يــا عــمــي الــدنــيـه  تـتـعـطـر

    عـسـه اعـيـونـي العمه ولا شافت الرايه ... ولا جبت الصغار التنحب اويايه
    ولا  ردت الـنـهـر تـرويـنـي مـن مايه ... أنه الذكرتك بعهدك يا  رجوايه
    ســاعــه الــلــي طــلــبــتــك بــيـهـا  تـتـذكـر

    يـا ريـت ابـكـترك اليوم انحفر قبري ... بعد عمرك يا ضي عيني شلي  ابعمري
    تـظـل  فـرقـاك  نار و تحرق ابصدري ... السبب آنه يا عمي ابروحتك  أدري
    قــطــع  نــحــري يــاريــت الـلـي حـز إلـك  مـنـحـر



    موقع القصائد الولائية © 2004 - 2013