» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • 06/01/2011م - 11:10 م | عدد القراء: 61379



    يـا  دار الأهـل يـا دار ويـن الأهـل قلي لي
    يـا صـوب إرحـلـوا عنج فرقاهم هدم  حيلي

    يـا دار الأهـل يـا دار حـزنـانه اعله  فرقاهم
    شـالـوا ويـن قـلـي لـي أهلنه وين  نلقاهم
    شـالـوا  يـا بـلـد عـنج أهلنه وين  منواهم
    و  آنـه  إمـدوهـنه و أبجي حرمه و ما إلي  والي

    قمت  أصرخ و أصيح ابصوت إعليه دورهم  ظلمه
    إشكثر خوان جو وياي و هالسا آنه إرجعت حرمه
    إخـوانـي و مـزقوا جلدي شفت الدور  مظلمه
    جـاوبـنـي الصده بس عاد وين اهلج دقلي  لي

    أقـل  الـدار  حاجيني وين اهلي مشوا يا  صوب
    حـسبت إحساب ألاقيهم و إحسابي طلع  مقلوب
    عـفتهم نومه بالوادي و إحنه نسلك فيافي إدروب
    جـويـه و ظـل صبر عندي عقبهم ما نمت ليلي

    جـوى  إشـلون أنام الليل و جفن العين أغمضنه
    عـلـيـكـم بس أجر ونات كل ونه بألف  ونه
    أصـيـح  إبصوت  يبن أمي أخيي من إنين  أجيبنه
    و آنـه اعـلـه الـبعد مقدر فرقاهم هدم حيلي

    يـا دار الأهـل يـا دار يـا صوب إرحلوا  عنج
    شـالـوا و الـمـسـير إبعيد ما يبطل بعد  ونج
    و  أذكـر زمـانـي الـفات من جانوا هلي  يمج
    فـرقـاهـم  حـيـلـي أصـيحن آه  واويلي



    موقع القصائد الولائية © 2004 - 2013