» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي - 23/11/2011م - 3:17 ص | عدد القراء: 3194



    ودعـتـه ودعـتـه... ويـه الـضعن دلالي...و الجان كل  آمالي
    ظـلـيـت أعـد الـجـيـتـه...غـصـبـن عـلـيّ ودعته

    يـا دهـر يـالـمنك سبب آلامي...انت الذي صوبت قلبي الدامي
    شـيـبـت  راسي  و بددت أحلامي...بالحزن ودعته قضت  أيامي
    مـا  شـفـتـه  مـا شـفـتـه...ويـايـه مـا أنصف دهري
    و شـفـت الـعـذاب ابـعـمـري...و غـيـر القهر ما  شفته

    صبت عليّ همها و حزنها الأقدار...أول سهم ما شفت مثله ولا صار
    لـليوم من عنده ابدليل آثار...من صاب ابن ملجم علي حامي الجار
    ضـيـعـتـه ضـيـعـتـه...خـدري الـجـنـت أتـمـناه
    و الأقـضـي كـل عـمـري ويـاه...حـيـدر عـلي  ضيعته

    أم الـبـنـيـن الـفـاقده اتعرفوني...لونحت طول الدهر  لتلموني
    سـهم الطشت ثاني سهم صابوني...جبد أبو امحمد قمت أصد بعيوني
    قـلـبـتـه قـلـبـتـه...جـبـد أبـو امـحـمـد بـيدي
    و نـحـت و صـحـت يـولـيـدي...جـبـدك أنـا  القلبته

    مـن  بـعد ضيمي و هالمصايب كلها...قلت أصبر و آلامي أتحملها
    و الـدنـيه تنصح بلكن أتأملها...و اعظامي فقد احسين هو  السلها
    فــارقـتـه فـارقـتـه...و اعـلـه الـدرب  تـانـيـتـه
    ســالـم يـرد ظـنـيـتـه...و أيـسـت مـن فـارقـتـه

    صاحت  ابهونك و انت يحادي البين...بحبابي تحدي اليا كتر رايح وين
    عـبـاس  يـا  ذخري الجنت أترجاك ...اليوم الشدايد غايتي  أتمناك
    زيـنـب  أمانه  سلمتها ابيمناك...ذوله اخوتك عباس إخذهم  وياك
    سـلـمـتـه سـلـمـتـه ...يـا بـال الـفـضل ماي العين
    و  الـقـلـب و الـروح احـسـيـن...عـنـد اخوته  سلمته



    موقع القصائد الولائية © 2004 - 2013