أضف الموضوع
الشاعر السيد سعيد الصافي الرميثي - 02/12/2011م - 1:47 ص | عدد القراء: 9580
جـفـين طاحن عالنهر...لو شمس طاحت و القمر
كـسـروا ضلع من فاطمه...لو صوبوا حامي الحمه
جـاوبـنـي يـحـسـين ...خويه جاوبني يحسين
يـحـسـين أنشدك و القلب مليان آهات و عتب
يـا خويه أحس حيلي إنهدم جانون بضلوعي إلتهب
ليش إنت قبلي إتحسرت و دمعك قبل دمعي سجب
صـابـك إمـصاب إتأثرت لو نزل الباري غضب
جـيـت أرد أنـشدك عالخبر...قلي يبن سيد البشر
لـيـش النجوم إتلايمت...و الدنيه يا خويه إظلمت
جـاوبـنـي يـحـسـين ...خويه جاوبني يحسين
مـدري شـجاني و أصبحت كالطير أحوم من الولم
و الـقـلـب بين المشرعه و ما بينك و ما بين الخيم
روحـي الـحنينه إوياه مشت شديتها إبطرف العلم
شـفـتك يخويه إبها الوضع و ي حيلك حيلي إنهدم
صـديت إلك محني الظهر...و الضيم أخذ منك أثر
حـسـرة الفاقد حسرتك...و بطرف عينك دمعتك
جـاوبـنـي يـحـسـين ...خويه جاوبني يحسين
يـحـسـين ملجوم القلب من حقه لو جاك و نشد
شـفتك يخويه ابلا فكر و قلبك نقض حيله إنضهد
و شفتك ملت مثل الغصن يا خويه و الأكلف و أشد
خـيـمـة جفيلي و هيبتي من طيحت منها العمد
إتـعـنيتك و جذمي إيعثر...بالحزن و الهم و القهر
يـا خويه مذهوله شطت...شنهي الجره قلي صحت
جـاوبـنـي يـحـسـين ...خويه جاوبني يحسين
جـاوبـهـا بو اليمه و لجن عبرته إبصدره إمكسره
إخـذي الـجواب من الدمع يا من تنشدين إشجره
الـيوم إفقدت جدي النبي و إفقدت أمي و حيدره
يـا زيـنـب إوحيد أصبحت ودعت سبع القنطره
إيـصـبر إبروحه و ما قدر...و الدمع نهران إنحدر
و إتـقـلـه خـبرني إشفت ...للمشرعه لمن رحت
جـاوبـنـي يـحـسـين ...خويه جاوبني يحسين
إيـقـلـهـا يـزينب هالنشد لوع دليلي و صدعه
يـم الـحـزن و بـيـا وضع لمن رحت للمشرعه
يـا ريت أخذ شوفي العمه و لا شفت حالة مصرعه
و الـعـيـن طافيها السهم و شفت الجفوف إمقطعه
و لـمن شلت راعي الفخر...للخيمه أجيبه و إعتذر
واعـدت سـكنه و تنتظر...عطشانه منها إشأعتذر
جـاوبـنـي يـحـسـين ...خويه جاوبني يحسين
و إبـحـضـني لمن وسدت راس أبو الغيره و ما قبل
لـلـقـاع رده و الـدمـع من عينه يا زينب همل
و إيـقـلـي جـا منهو الإلك لمن يوافيك الأجل
خـل يـبقه راسي إعله الترب مثلك يبن خير العمل
و بـالعمد لو راسي إنطبر...راسك يصوبونه إبحجر
أقـسـم إعـلـيك إبخوتك...يا خويه إقطع ونتك
جـاوبـنـي يـحـسـين ...خويه جاوبني يحسين
و زيـنب الصوب العلقمي مشبوحه و إتنوح و تون
صـاحـت يـبـو الغيره بعد ما أقطع إبجاي و أعن
لـمـن يـعـبـاس الـدمع يترك أثر فوق الوجن
آنـه الـجـنت أم الخدر و تالي أصبحت أم الحزن
مـا أنـصـف إويايه الدهر...خلاني للهم و الكدر
يـا مـن جنت تبره الضعن...إبيا حاله أردن للوطن
جـاوبـنـي يـحـسـين ...خويه جاوبني يحسين |
|
