» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 19/01/2012م - 2:35 ص | عدد القراء: 11726



    قـصـة ألـم بـمـتـوني...يرويها دمع عيوني
    والـتـكـره  اتشوفه العين...شفته لمن عفتوني

    جـم  قـصـه تـتراوالي...يوم الغبت  يالغالي
    جابو  لي  راسك يحسين...شفته وصحت يالوالي
    يـضـرب ثـناياك ابعود...قصده يعذب  حالي
    كـل نـظره من الشمات...سيف وقطع  دلالي
    مضرب  مثل  خدري جان...محد يشوف اخيالي
    وانـده يـراعي الجفين...ترضى العده يشوفوني

    يـم جـسـمـك اتعنولي...هذا الأخو قالولي
    خايف  اجرحك لو قول...يبن امي شافوا  طولي
    زيـنـب يخو زينب ليش...عدوانك  يصيحولي
    عـفت  الحراير بالخوف...من ارجع  شيحجولي
    ام  الـرضـيـع  ابيا حال...وبلا شعور  تلولي
    واسـمع ياخويه الايتام...عن شخصك يسألوني

    يـبـن امي انهض ليـّه...قوه وصبر  مابيــّه
    ما اعرف اركب عالنوق...ياخويه صعبه اعليّـه
    افـهـم  كـلام الـعدوان...ماصدقوا مسبيه
    واحـد يـقـل لـلـثـاني...هيه العقيله  هيه
    عـالـمشرعه ظل مطروح...البيرق وراعيــّه
    دارت  يـاخـويـه الايـام...عالهزل يركبوني

    خـويـه  الـعـلـم عليته...جم ظالم اتحديته
    رايـد  يـشـوف دموعي...اختك ولا  راويته
    يـسـألـنـي  وين الوالي...يابت علي  ناسيته
    خـويـه و اجـاني السلاب...عني ابتعد ناديته
    ارجـع اخـويـه مـاغاب...هسه يعود  البيته
    ويـن الأخـو غـايب وين...غايتهم  يجرحوني

    خـويـه الـوكت دولبني...درب اليسر  تعبني
    كـلما  اصيحن عباس...صوت الشمر  جاوبني
    راسـك  يـصـد اعـلـيه...عاتبته  ويعاتبني
    اخـتـك  انـا و ماذليت...بس فقدك  يعذبني
    كـون  انـته  حاضر وياي...من يقدر  يسلبني
    حـسـبالي  يوم الكلفات...من انده  تحضروني



    موقع القصائد الولائية © 2004 - 2013