» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الحاج هيثم سعّودي الكربلائي - 02/02/2012م - 1:25 ص | عدد القراء: 3994



    إلـهي  لا تأذبني بعقابك...مسيء و مذنب و جيت إعله بابك

    أنـا عـبدك و إجيتك يا إلهي...و ظهري منحني من  الدواهي
    و  رغـم كل المحارم و النواهي...قضيته للعمر عابث و  لاهي
    حـشـه تـطردني من ساحة جنابك ...إلهي لا تأذبني بعقابك

    صحيفة  عمري مليانه معاصي...جبتها و أرتجي منك  خلاصي
    أخافن  يوم  يؤخذ بالنواصي...إبعدلك أنشمل و انحشر  عاصي
    و الـعـاصـي يـويـله من عذابك...إلهي لا تأذبني بعقابك

    أقـول الـنـفسي يا أمّارة توبي...تقلي الباري يستر لي عيوبي
    أقـلـلـهـا إبنعيم التوبه دوبي...تعاندي و تضعف لي  ذنوبي
    و  يـا  مـن حذرت روحي إبكتابك...إلهي لا تأذبني بعقابك

    تـتـناسه العقاب و هيه تدري...باجر ينعرض عالباري  أمري
    لاجن  يا  إلهي الدنيه تغري...و أنا إنغريت بيها و شنهو  عذري
    عـفـوك  سـيدي  مذنب و أهابك...إلهي لا تأذبني  بعقابك

    مـذنب  و  أدري بذنوبي متنعد...و ببابك إجيت إبوجه أسود
    لاجـن يـا إلـهـي الناس تشهد...أحب حسين ريحانة محمد
    و أنـا بـحـسـيـن أتـأمل ثوابك...إلهي لا تأذبني بعقابك

    أحب حسين مشغوف إبهيامه...و حملت الخدمته صدري وسامه
    و  حـيـن إيلوذ كل واحد بإمامه...أنا بحسين ألوذن  بالقيامه
    و لـو سـإلـونـي شمحضر جوابك...إلهي لا تأذبني بعقابك



    موقع القصائد الولائية © 2004 - 2013