» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر السيد سعيد الصافي الرميثي - 23/02/2012م - 12:49 ص | عدد القراء: 1714



    الـماي الدبيت من إجفوفك...ليك إتعنه و قام إيطوفك
    خـالـد ذكـرك يـا عـباس...شامخ قبرك يا عباس

    عـنـك  لـو ردت اكـتـب يـا عباس بيك  أحتار
    لـلـيـوم  الـوفـه  الـعندك مثله كل وفه ما صار
    شـقـولـن  عـنـك  و إنت وجودك منيت  الكرار
    إخـو لـحـسـيـن مـن رادك شال إجفوفه للجبار
    حـيدر يدعي إبدمعه الجاري...جان إيطلبك من الباري
    يـعـرف  قـدرك  يـا عباس...شامخ قبرك يا  عباس

    ربـانـي إخـتـيـارك جـان و جلت قدرة السواك
    صـلـبـك  صـلب أبو طالب و يمنت حيدره  يمناك
    و  نـور  الـعـصـمه يا عباس جان إمن المهد  يرعاك
    إخـوك حـسـيـن أنـفـاسه من زغرك ربت وياك
    كل ليله حسين إيصلي لك ...يقنت يم مهدك يدعي لك
    سـالـم عـمـرك يـا عباس...شامخ قبرك يا  عباس

    ربـاك الإخـو بـإيـمـان ويـاك الـربـه ما ضاع
    إمـامـك جـنـت تـعـتـبره و شعنده أمر ينطاع
    تـطـيـعـه  إشما يصير اعليك و اشما وجهك  تنصاع
    سـفـيـنـه  للشفاعه  حسين و إنت للسفينه  إشراع
    إيـشوف  و  يحسب أيامك ...تكبر أحلامه و احلامك
    تـرسـم  نـصـرك  يا عباس...شامخ قبرك يا عباس

    كـبـرت  و جـان إخوك حسين يجلي إبشوفتك  همه
    يـشـد  إعـيـونـه  وي طـولك من إتقوم من  يمه
    و  شـفـتـه مـن يـحـاجي أمك يتذكر ضلع أمه
    نـشـدتـه  و  قـال لك خويه عليك الخبر ما  أضمه
    عـالزهره الباب الدفعوها...خويه إعله الحايط عصروها
    دمـعـي  إيـخـبرك يا عباس...شامخ قبرك يا عباس

    إخـوك  حـسـيـن وضح لك مصيبة فاطمه  الزهره
    و  إنـت جـرحـت إعـيونك و قلبك خنقته  العبره
    صـحـت  إشـلـون هذا إيصير بوجود المحد  إينحره
    عـلـي الـمـا يـنـغمد سيفه عجيبه ما نفد  صبره
    يـا  عباس  حسين إعضيدك ...تصبر عالأحزان  إيريدك
    تـحـمـل صـبـرك يا عباس...شامخ قبرك يا عباس

    و لـمـن طـحت عالشاطي شفت الحاله شوف  العين
    شـفـت الـطـاهـره الـزهره تدور إجت  عالجفين
    بـيـد  الـضـلـع  لازمـته و إيد الثانيه اعله العين
    و إنـت صـحـت يـا خـويـه يا يمه إجت  يحسين
    مـتـعـنـيـه  إتريد إتواسيني...يبني الوفاي  إتناديني
    عـيـنـي  إنـتظرك يا عباس...شامخ قبرك يا  عباس



    موقع القصائد الولائية © 2004 - 2013