» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 14/03/2012م - 9:33 م | عدد القراء: 4948



    الـكـون  إخـتـلـف  نـظـامـه ...لـو قـامت  القيامه
    عـندك  يبو اليمه خبر...ليش القمر ظل عالنهر...عباس يا  عباس

    مـنـتـظـره و أنـحـب بـالـخـيم يرجع إلي راعي العلم
    و أشـعـر سـمـانـه إتـغـيـرت حـته الأرض ترجف ألم
    وحـده أبـو الـيـمـه رجـع مـن شـفته كل حيلي  إنهدم
    مـحـنـي الـظـهـر يـجري الدمع و بهضمته الكون إنهضم
    يـم  خـيـمـة الـكـافـل مـشـه يمشي بجدم يعثر  جدم
    جـر الـعـمـود ووقـعـه لـمـن وقـع قـلـبـي  علم
    جـاوبـنـي عـن كـفـيـلـي...حـس بـألـم دلـيلي
    وحدك تجي محني الظهر...ليش القمر ظل عالنهر...عباس يا  عباس

    قـال إلـهـا و يـهـل مـدمـعـه ظـهري إنكسر  بموادعه
    قـالـت لـه مـا يـرجـع بـعـد قـال إلـها جثه إموزعه
    صـبـري يـزيـنـب مـا نـفـع لـمـن إجـيت المصرعه
    قـالـت لـه جـوده و الـعـلـم قـال إلـهـا يم  المشرعه
    صـاحـت  يـبـو فـاضـل رحـت من صاحت الناعي  نعه
    لـخـيـامـك الـجـيـش إقـتـرب يـا خويه منهو يرجعه
    إنـت الـذي جـبـتـنـي ...و بـغـربـتـي عـفـتـني
    من شفت الحسين إبخطر...ليش القمر ظل عالنهر...عباس يا عباس

    يـا خـويـه و إبـن أمـي طـلـع و الـعسكر إعليه إجتمع
    خـويـه إطـلـعـت مـن خيمتي و أسمع حجي إعدانه  إرتفع
    قـالـوا وقـع مـن الـمـهـر جـن الـسـمه إعلينه  وقع
    يـا خـويـه بـعـيـونـي شـفـت منحر أخويه من  إنقطع
    يـا  خـويـه  حـرقـوا خـيـمـتي سبعين ألف واحد فزع
    واحـد إجـانـي الـخـيـمـتـي من قلت له إرجع ما رجع
    إخـيـالـي إذا تـنـظـره...راعـي الـعـلـم  أخـبـره
    لا تقترب و إخذ الحذر...ليش القمر ظل عالنهر...عباس يا  عباس

    يـا خـويـه سـلـبـونـي و صحت وينك يا خويه إتسلبت
    شـوف الـسـيـاط إعـلـه الـمـتن يا خويه و الله إتعذبت
    و إخـيـالـي شـافـوه الـعـده صـوتي إنسمع لمن  طحت
    مـن يـقـدر الـزيـنـب يـجـي لاجـن إجوني من رحت
    عـيـنـي تـصـد إعـلـه الـنـهر لا رايه لا سيفك شفت
    بـعـدك يـخـويـه إتـمـرمـرت و إتـعـذبت و إتحيرت
    يـالـمـا تـجـي إبـمـصـابـي...هـاك إسـتـمع عتابي
    وي  دمعتي صاح القدر...ليش القمر ظل عالنهر...عباس يا عباس

    طـبـع  الإخـت مـن تـنـولـي لازم تـنـادي يـا هلي
    و الـعـدهـا أخـو مـثـل الـقـمر والدها أبو الحمله  علي
    إشـلـون أبـقـه وحـدي إبـلا حـمه و الأجنبي يوصل إلي
    حـقـي أروحـن لـلـنـهـر و أنـحـب و أعاتب  كافلي
    ويـاه إجـيـت الـكـربـلـه بـيـده يـعـدل مـحملي
    آنــي الــخـدر و أم الـخـدر تـالـي ولانـي عـاذلـي
    بـيـه  إشـعـمـل زمـانـي...لـيـش الـعـدو  يـراني
    من ونتي إيدوب الحجر...ليش القمر ظل عالنهر...عباس يا  عباس

    يـالـمـا تـرجـعـك دمـعـتـي يـالـمـا تجيني إبنخوتي
    أنـطـي الـوجـه إلـمـن بـعـد لـو مـا يحضرون إخوتي
    يـالـنـايـم  إبـعـيـنـي سـهـم عـيـنك تنام  إبغربتي
    يـا كـلـمـه أحـجـيـهـا و تـجي يا دمعه أبجي  إبغربتي
    سـيـف الـقـطـع جـفـيـن إلـك قطع يساري و  يمنتي
    لا  تـعـتـذر يـا بـو الـوفـه يـكـفـيـني تنظر  لوعتي
    زيـنـب  صـفـت أسـيـره...جـانـت قـبـل  أمـيره
    قـالوا لي عباس إعتذر...ليش القمر ظل عالنهر...عباس يا  عباس



    موقع القصائد الولائية © 2004 - 2013