» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 17/03/2012م - 12:07 م | عدد القراء: 5858



    بـاجـر يـا عـلي الكرار أريد إبكربله  تحضر
    لـو  مـا تفزع إعله حسين أريدك تدرك  الخدر

    بـاجـر ويـلي من باجر يا أصعب صبح  شفته
    حـسين إعله الثره دامي و إعله التل تصيح إخته
    تـشـوفه  باجر إبيا حال جسمه الخيل  ساحقته
    و  زيـنـب من تجي يمه ...تخضب راسها  إبدمه
    إخــتــه و تــنـظـر الـجـسـمـه
    إمـوذر بـالسيوف أوصال بعد ما حزوا  المنحر

    بـاجـر يـا علي زينب كل شي ما يظل  عدها
    تـقـصـد لـلنهر و إتريد توصل لإبن  والدها
    تـظـن بيه روح يسمعها و من تنخاه  يساعدها
    لـمـن تـنـظـر إيمينه ...و سهم النايم إبعينه
    و إتــقــلــه الــوعــد ويــنـه
    قـوم  إويـاي  يـا عـبـاس ما ظنيت  تتعذر

    بـعـد  ذاك الخدر زينب غريبه و تسعر  إخيمها
    و  تـتـسلب يحيدر ليش و صوت إعداك يالمها
    بـاجـر تـنـولـي زينب من إيطيح إبن  أمها
    مـره إتـجـمع الأطفال...مره إتعاتب  الكفال
    تــعــاتــب و الــدمــع هـمـال
    مـره إتـلـوذ بـين الخيل و لا واحد يجي يمها

    بـاجـر يا علي إدخيلك من تهجم عليها  الناس
    حـسـيـن إعله الثره نايم و ظل يم النهر عباس
    أطـفـال الـفرت من النار بخيول العده تنداس
    يـحـيـدرهـاي ساعتها...يمن تحضر  إبشدتها
    زيـنـب       راحـــوا      إخـوتـهـا
    عـجـب  مـا  تفزع و زينب بين الجثث  تتعثر

    صبح باجر عسن ما طر و لا شوف الجره بالطف
    حـرم  و أيـتام باجر ليش يا بو حسين  تتجتف
    جـبد بيه سهم المثلث و خنصر ضايع من  الجف
    طـفـل مفطوم بالنبله ...طفل ضايع يريد  أهله
    تــبـجـي مـن الـعـطـش  طـفـلـه
    و  بـيـن الأكـبر و جسام زينب يا علي  تفتر



    موقع القصائد الولائية © 2004 - 2013