» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر السيد سعيد الصافي الرميثي - 27/03/2012م - 1:23 ص | عدد القراء: 3181



    راح ويـاك الـقـلـب لمن رحت... يا  خويه
    إوداعت  الله  يا ضوه إعيوني ...صحت يا خويه
    لا تـطـول غـيـبـتك...عيني تربي  الجيتك

    زيـنـب  العودها  خوها إشتطلب إينفذ  طلبها
    جـانـت إتـحـسبه نظرها التبصر بضيه دربها
    حـقـهـا مـن إيـروح عنها لمن إيتبعه  قلبها
    صـاحـب الغيره تعرفه و تدري ما يحمل  عتبها
    إتـقـلـه  يا الما عودتني إعله البعد... يا  خويه
    ودعـتـنـي  و أنـتـظر ليه ترد... يا  خويه
    ردت قـلـبـي إبـردتك...عيني تربي  الجيتك

    خـويـه يـا عـباس قلي أنتظر لو ظني  أقطعه
    روحـي  مرهونه  بجوابك خويه ردك خل  أسمعه
    أبجي  مهضومه عفتني و دمعه تجري إتواسي دمعه
    لـو  بـعـد  ما بيك جيه إمروتك قلبي ترجعه
    حـقـي  لـو وياك طولت العتب ... يا  خويه
    إسـمـك إويه النفس بالريه إنكتب... يا  خويه
    يـا الـهـوايـي إبشوفتك...عيني تربي الجيتك

    مـن قـبل ساعة صيارك و إنت موجود  إبخيالي
    و مـن طلع صبح الولاده و الخبر يا خويه  جالي
    وشـقـلـت  من بشروني يا هله إبجيتك  يوالي
    قـابـلت  مهدك و ألولي غالي يا بو الغيره  غالي
    عله  إجفوفك  ركزت شوف النظر ... يا  خويه
    و الـدمـع عالوجن من عيني إنحدر... يا  خويه
    خـبـر عـندي إبقصتك ...عيني تربي  الجيتك

    والـدك عـنـك حجى لي خويه يالكلك  حميه
    تـنـطـح  إمروه يقلك و عندك الغيره  سجيه
    و إنت جنك يا بو فاضل خدري بيدك تدري بيه
    مـن أقـوم إو يـمك أقعد تشبح إعيونك عليه
    يـا عـزيـز إخـتـك يا عباس الوفي يا خويه
    لـو طـفـوا ضـيـك حياتي تنطفي يا  خويه
    يـا  كـفـيـلي إمروتك...عيني تربي  الجيتك

    يـالرحت عني و عفتني إمن الخيم مشبوحه عيني
    شـوفـي شديته إويه طولك و أنتظر منك تجيني
    سـاعه صبري إيحن عليه و ساعه يدفعني  حنيني
    و مـن بـعيد حسين أشوفه بحالة التهييج  ونيني
    يـالـرجعت  الوحدك  محني الظهر ... يا خويه
    لا  تـقـلـي طـاح عباس القمر ... يا  خويه
    ويـن  صـارت هـمتك ...عيني تربي  الجيتك

    يـخـتي يا زينب يقلي إعله الشريعه حيلي عفته
    مـن تـعـنـيت العضيدي إيسلم إعليه  سمعته
    إمـقطعه إيساره و يمينه و عينه ينزف دمها شفته
    و قـمـت إبعالي صوتي ظهري يا خويه  كسرته
    إتـشـمتت  بيه العده يا با الفضل ... يا  خويه
    ردت مـوتـي من قبل موتك يحل ... يا  خويه
    و  الله خـوه خـوتـك...عـيني تربي الجيتك

    لـلـنـهر يبن أمي خذني للكفل بإسمه  الضعينه
    و  بدموعي التجري أريدن أغسل إيساره و  يمينه
    و أرد أقـلـه عـاهدتني و العهد يا خويه  وينه
    يـالـقـطـع  منك رجانه قلبي ما يقطع ونينه
    بـعـد  يـا عـباس ما ريد العمر ... يا  خويه
    ردت بـيـدك تـحفر الإختك قبر ... يا خويه
    ذخـر إخـتـك رادتـك...عيني تربي  الجيتك



    موقع القصائد الولائية © 2004 - 2013