» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 13/09/2012م - 11:17 م | عدد القراء: 14933



    عـلـه  الـمـسموم مهمومه...الحسن مظلوم من يومه
    إذكـرت  إبني...و  كثر حزني...الحسن مظلوم من  يومه

    أنـا الـمـظـلـومه يا شيعه و إلي بصحن الجبد  نارين
    تـشب لجل الحسن وحده و تشب وحده المصاب  حسين
    فـرق  مـا عـنـدي بولادي و آنا إشعندي غير  إثنين
    الـحـسـن  روحي و أعز منها و حسين أغله من  العين
    لـجـن هـالـلـيله أرد أعتب و أعاتب شيعتي الطيبين
    عـلـه حـسـين الدمع تجروه و جنكم للحسن  ناسين
    الـحـزن لـحـسـيـن و ايتامه...الحسن ناسين آلامه
    صـدق  ظـني...و كثر حزني...الحسن مظلوم من  يومه

    مـلامـه  بـالـنـفـس  ظلت تريح النفس من  تظهر
    يـشـيـعـه و لا تـظـنـونـي ميولي للحسن  أكثر
    الـحـسـن مـا فرقه عن حسين بنيني و كلهم  أتفاخر
    مـصـيـبـة  كـل إبـن مـنهم سعير إبمهجتي  تسعر
    لـون قـلـتـولـي عـن حسين ذبيح و عالثره إموذر
    الـحـسـن هـم وذروا جـبده إمن أذكره الحاله تتغير
    الـقـلـب مـفـجوع تدروني...أصب إدموع  خلوني
    الـنـحب  فني...و كثر حزني...الحسن مظلوم من يومه

    لـون قـلـتوا إعله راس حسين ذبيح و بالطشت  خلوه
    الـحـسـن هـم بالطشت جبده تخاذف ساعة الوذروه
    أريـد  أوصـيـكـم الليله و طلب يا شيعتي  إتسمعوه
    أريـد إشـمـا تـذكـرون الحسن و إمصيبته إتذكروه
    ثـجـيـلـه  إمـصـيبته إعليَّ إمام إبلا ذنب  غدروه
    و الأصـعـب و أشـد مـن هاي لون يا شيعته  تنسوه
    أصـب  إعـلـيـه دمـعـاتـي...و لا تكفيه  عبراتي
    يـألـمـنـي...و كـثر حزني...الحسن مظلوم من يومه

    يـشـيـعـه  و الـدعت روحي إبلهيب المحنه  مستعره
    إذكـرت إبـنـي الـحـسن لمن قضه و أيتام إله إتنظره
    لـون قـلـتـولـي عن حسين إنذبح و إعياله  منذعره
    وقـع  بـالـطـف إجـت يـمه الرباب إتقبله إبنحره
    لـجـن إبـنـي الـحـسن أصعب ابهالحاله و أشد أمره
    عـوض  مـا زوجـتـه إتـواسيه و لن زوجته  إتغدره
    إبـن ذبـحـوه عـدوانـه ...و إبـن غـدروه أعوانه
    إبـهـضم  لني...و كثر حزني...الحسن مظلوم من  يومه

    بـعـد يـا شـيـعـه أخبركم خبر خله القلب  ينضام
    إذكـرت  إبـنـي الحسن لمن إعله نعشه حاطت  الظلام
    لـون قـلـتولي جبد حسين السهم صابه و ترك  آلالام
    الـحـسـن مـثله إنضرب نعشه و يا ميت رموه إسهام
    لـون  قـلـتولي  شاف حسين بنينه إعله الترب  أجسام
    الحسن هم حضر لرض الطف و شاف إعله الأرض جسام
    الـهـضـم يـزداد و الـلوعه...عله الأولاد  مفجوعه
    إشـظـهر مني...و كثر حزني...الحسن مظلوم من  يومه



    موقع القصائد الولائية © 2004 - 2013