أضف الموضوع
الشاعر امجد صاحب الشطري - 13/11/2012م - 2:15 م | عدد القراء: 2306
صبح و مسيه أنادي... يا زهراء
ما ننسه شبل الهادي... يا زهراء
يـالـوديـعـه الوديعه الوديعه
يـالـزهـره خطينه إبحبر دمانه
دايـم لـبـو الـيمه يظل عزانه
يـا فـاطمه و حب السبط أمانه
بـيـن الـنواظر و القلب مكانه
مـا يـنقطع معروفه ...يا زهراء
فـوق العوالي إنشوفه ...يا زهراء
يـالـوديـعـه الوديعه الوديعه
هـذا آنه شيعي و اعلنت ولائي
إبروحي و دليلي و نحري و بدمائي
الـيـوم أوضح قصدي و بندائي
طـبـعـي موالي دربي كربلائي
حب السبط بإحساسي...يا زهراء
يـتعايش إويه أنفاسي ...يا زهراء
يـالـوديـعـه الوديعه الوديعه
حـبـيـنه شبل المصطفه بقناعه
خـدامـه إحنه و اليخدمه طاعه
ظـل يـكبر بأنفاسي ساعه ساعه
لـلـشيعه باجر ضامن الشفاعه
حـاشـاه ما ينسانه ...يا زهراء
طـول الـعمر ويانه...يا زهراء
يـالـوديـعـه الوديعه الوديعه
واجـب مـقدس نمضي بالمسيره
بـالـخدمه واحدنه وضع مصيره
يـالزهره و إنتي الطاهره الأميره
سـبـطج أبد ما نرضه والي غيره
عـهـد الوفد خطينه...يا زهراء
حسين إسمه عايش بينه...يا زهراء
حـانت الساعه و هاجت المشاعر
الـطـف كربله زوار نمشي باجر
إبـيـوم أربعينه إنرخص المناحر
و كـل خادم إيسجله بن مظاهر
يـهتف هله بزواري...يا زهراء
و بشيعتي و أنصاري ...يا زهراء
يـالـوديـعـه الوديعه الوديعه |
|
