» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر المرحوم الشيخ عبدالحسين أبو شبع - 17/11/2012م - 11:52 م | عدد القراء: 5535



    نـامت  عينك سهرت عيني...نامت عينك سهرت  عيني

    عـبـاس  إتـناديك  إبحسره...زينب زينب هاي الكبره
    هـاي أم الأخـوه الـمـنتظره...واحد منكم حته إتخبره
    إتـناديك إقعد لي و حاجيني...نامت عينك سهرت  عيني

    جـفـنـك  نام إبسهم الرامي...و جفني سهران  بالآمي
    حـرقـوا  يـا عباس إخيامي...و إنشدني إشصار بأيامي
    إخـلافك  يا خويه إميسريني...نامت عينك سهرت عيني

    حـقـك ما تدري و لو تدري...ما جان إعليه الهم  يجري
    لا ذيـج الهيبه و لا خدري...إتبدل خويه إخلافك  دهري
    كـل  يوم  إمصاب إيراويني...نامت عينك سهرت  عيني

    آنـه  الـجـنت إبهيبة حيدر...و بهيبتكم خدري إمسور
    إتـغـيـر ذاك الـحـال إتغير...من جان إمفكر أتيسر
    و  جـتـالك  عقبك يوليني...نامت عينك سهرت عيني

    آنـه الـتـدري الوادم بيه ...ما شبحت كل عين  إعليه
    لـنـي  مـسـلوبه و مسبيه...و عين الشامت تنظر ليه
    خـويـه  إبـديوان  إمخليني...نامت عينك سهرت عيني

    يـعـرض راس حسين إقبالي...و متشمت يا خويه  إبحالي
    حـرمـه  إقـباله و راح الوالي...آه من الدنيه إشهالتالي
    ظـلـيت أذكر ذيج إسنيني...نامت عينك سهرت  عيني

    إتـعود  إسنيني إبذيج إسنينك...هيهات إتعود إنت وينك
    الدمعه  إبجفني  و سهم إبعينك ...هيهات إترد لك جفينك
    و  إتـعـود  إردود إتباريني...نامت عينك سهرت  عيني

    إجفوف الرفعت راية هاشم ...و بيها الجود و ذاك الصارم
    راحـت  تـالـي إتشوف الوادم...أتعذب بجفوف الظالم
    مـا  شاف  إجفوف إتحاميني...نامت عينك سهرت  عيني



    موقع القصائد الولائية © 2004 - 2013