أضف الموضوع
الشاعر السيد سعيد الصافي الرميثي - 08/01/2013م - 3:05 ص | عدد القراء: 5575
يـا أغـلـه الأحـبـاب ...عـلـى حـبـك يـلـوموني
تـتـمـكـن إشـلـون... تـشـوف إبـلا ضـوه إعيوني
عـنـي خـل يـقـولـون ...فاقد عقله مجنون ...ما يهموني
يـقـولـون الحبيب اللي عشقته...ما عايش زمانه و لا عشرته
إشـلـون إنولدت إبقلبك محبته ...صدفه لو عله الفطره عرفته
قلت إلهم إبعين العقل شفته ...و أخذ عقلي بحروف إسمه و عظمته
مـحـبـوبـي يـا نـاس ...حـفـظ عـرضي و حفظ ديني
ضـامـي إنـذبـح لـيـش... يـريـد الـعـزه يـرويني
بـسـكـم لا تـلـومـون ...فاقد عقله مجنون...ما يهموني
حـسـين و ما تغيرني العواذل...عاشق و أرفض إسلوب التنازل
و لا سـلـم قـراري بإيد جاهل ...جنوني بموقفي يثبتني عاقل
يـحـسـين و لون يسألني سائل...أقول آنا إبدرب حبك مقاتل
راسـك يـمـذبـوح ...أذكـره و أفـقـد إحـسـاسـي
أتــمـنـه لـو جـان ...عـلـى راس الـرمـح راسـي
خـلـي إتـشـوف العيون ...فاقد عقله مجنون ...ما يهموني
إشـلـون الذايب إبطاعة إمامه ...يهمه العاذل و يسمع كلامه
يـزود إشـمـا يعذلونه إعتصامه ...حسين و ثابت إبخط إلتزامه
مـوالـي و لـلشرف عنده علامه...بالمحشر جرح راسه وسامه
آنـا أدري شـيـريـد... حـبـيـبـي الـعـايـش إبذاتي
مـن دمـي الـيـسـيـل ...أعـبّـر عـن مـواسـاتـي
أبـداً مـا يـمـنـعـون...فـاقـد عقله مجنون ...ما يهموني
يـا نـاس الـيـسموني مغالي...أسأله و خل يجاوب عن سؤالي
أبـو الـيـمه البذل كل ثمن غالي...حته آنه أعيش إبراس عالي
عـلـه إعياله جرت سود الليالي...يريد إمن الخطر يحفظ إعيالي
مــا يـكـفـي و الله... أقـول إشـمـا أضـحـي لـه
مـو بـس الـدمـوع ...سـواد إعـيـونـي أبـجـي لـه
رغـمـاً عـالـيـصرحون ...فاقد عقله مجنون ...ما يهموني
يـالـتـقـول الشعائر هذي بدعه...بس الناصبي رأيك يسمعه
شـيـطان النفوس إيعرف ربعه...و أصحاب الضلاله اللي تتبعه
دعـاء الـمخلصين إحنه نرفعه ...و إنخلي الحكم فاطمه البضعه
نــتــبـاهـل إويـاك... إذا تـقـدر تـبـاهـلـنـه
و الـخـالـق إنـشـوف... يـقـبـلـك و إلا يـقـبلنه
واضـح أجـره مـضـمون...فاقد عقله مجنون ...ما يهموني
طـبـع الـبـشر كلمن و إعتقاده...رب المرحمه الأوله بعباده
و الـمـا قـبلت الموت الوساده ...كرامتها من الباري الشهاده
حـسـيـن إبـكربله موقف جهاده...علمنه درس إسمه الإراده
ذولـه إحـنـه أحـرار... رغـم أنـف الـيـعـاديـنـه
صـرخـتـنـه حـيـدر ...عـلـي الـكـرار والـيـنه
شـيـعـي خـل يـسمعون ...فاقد عقله مجنون ...ما يهموني |
|
