تـــعـــرف مـــعــــناه
موقفنا تعرف معناه .. وأسمع يل تناشدنه
دنية وآخرة والله .. غير حسين ماعدنه
...
أنت مو مثلنا حسين .. من تنظر له وتشوفة
قبل العين عدنا قلوب .. دوم الشوفة ملهوفة
أحنا حسين كعبتنا .. كل صبح ومسئ أنطوفة
نشتم عطر أحساسة .. وجودة وطيب معروفة
وبيوم أرضعتنا أمناه .. هذا الحب سرا بدمناه .. وحچي اللوم شيهمناه
وأحنا الدوم عطشانين .. ونبع حسين موردناه
...
حسين المجد والانسان .. وحسين الشرف كلة
هو يمثل العزة .. وغيرة يمثل الذلة
والرايد الحرية .. عنة شلون يتخلة
وأحنا بساعة الشدة .. بصبر حسين نتحلة
الرايد عالشرف يسلم .. مايتعب أشماقدم .. شنهو الدمع شنهو الدم
عشاقة أشنقدم له .. نود حسين ويودنا
...
حقنا من نريد أنصيح .. يحسين بضمايرنا
لو ماهو مارفعت .. أذان الله منايرنا
چا ردو شتم حيدر .. عدوانة بمنابرنا
المبدأ والصلاة والصوم .. مربوطة بشعايرنا
والواجب نعظمها .. كل العالم أنعمها .. الماتفهم نفهمها
بدم حسين أبو السجاد .. صرح المجد شيدنا
...
أسمع يل تحب حسين .. أصبح فرض موقفنا
مانخلص من العدوان .. لو مايتحد صفنا
وأحنا شيعة الكرار .. والكفار تعرفنا
عليهم كل وگت راهي .. مايوم القصر چفنا
أحنا أولاد أبوالحسنين .. شيعة وتشهد الصوبين .. تشهد ثورة العشرين
خل نرفع شعار حسين .. هو الي يوحدنا
...
