» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر الأديب الحاج جابر الكاظمي - 19/01/2013م - 3:24 م | عدد القراء: 14315



    عليل و نايبات الطف لوني...أونن و المصايب محنني...النوايب صوبني

    هـدم  حـيلي حزن قلبي و مصابي...دمع عيني رسم صورة  عذابي
    عـلـه  إقـبـور الأهل نوّخ رجابي...مرامي الطف رمني و  لوعني

    صـرت أتـمـنـه موتي و لا حياتي...ضهد عزمي مصابي و نايباتي
    صـدع جـبـدي عـمـتي و خواتي...يساره و بالمناحه  إيناوحني

    عـلـيـل  الطف  تراني و هذا حالي...فطر قلبي هضم جور الليالي
    فـجـعـنـي الـما يمر جان إعله بالي...و ربيبات النوايح دوهنني

    عـلـيـل أنـحب و أجر ثقل المصيبه ...أناحط و القلب يقل نحيبه
    سـفـح  دمـعي عله إقبور الشبيبه...إنحنيت و هالشدايد ما  رعني

    إجيت  القبر أبويه و جبدي شاجر...نحت و الدمعه تجري من  المحاجر
    أصـد  لـه و شـوفته إتصيب النواظر...و محن نوح الحراير  حيرني

    عـلـيـل  و هالدهر ذبني و رماني...مثل موج البحر هضمه  علاني
    تـرانـي  إبـلا نفس عايش تراني...و رمي إسهام الفوادح  شجّرني

    إخـلـصت يمي الفجيعه و إنتهت لي...و لا بالدنيه نايح نوحه مثلي
    صـحـت يـا دمـعتي إعله الوجنه هلي...تجاوبني الفجايع  نشّفني



    موقع القصائد الولائية © 2004 - 2013