» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 19/01/2013م - 4:31 م | عدد القراء: 4033



    يـالجرحي  و جرحك ما يلتم...و إنعرفك حاضر بالمأتم...يا موعود يا موعود
    هـذا الـسـجـاد إيودعنه...نصرخ و العالم يسمعنه ...يا موعود يا  موعود

    فـريـضـة نـايـباتك يا زمن حلت...توضت بالدموع إجروحنه و صلت
    مـصـيبه إعله اليحبكم عظمة و جلت...يمهدي و كربله كل صبر ما  خلت
    مـأسات الطف تبقه إويانه ...و إنعيش آلامه و أحزانه ...يا موعود يا موعود
    يالغايب مجلسنه إتحضره ...و إحنه إوياك إنواسي الزهره ...يا موعود يا موعود

    قـضـه نـحـبـه حـزين و يسجب العبره ...يذكر والده من إنقطع نحره
    و يـذكر من رجع ملوي السرج مهره ...يشوف إخيولهم تسحق على صدره
    مـهموم  و  تتجاره إدموعه...من يتذكر كسر إضلوعه...يا موعود يا موعود
    يـذكـر زينب من سلبوها...و شمعة جسام من طفوها...يا موعود يا  موعود

    عـرفـنـه كـل عـليل أهله يدارونه...الجميع أهله و إخوته يشبح  إعيونه
    عـلـيـل حـسـيـن بـالـغـربـه يتركونه...أسير إبولية الظالم  يخلونه
    وي  زيـنـب  حـاير بالعيله...سهران و ما نايم ليله ...يا موعود يا  موعود
    نـاح  الـيـتـصارع ويه الهم...من ينظر زينب يتألم ...يا موعود يا  موعود

    إشـحـال  الشاف  إبوه إمقطعه أوصاله ...عمامه و كل إخوته إمذبحه  إقباله
    شـيـقـول الـعـلـيل الفرت إعياله...يشوف الخيل عمداً تسحق  أطفاله
    بـيـن  الخيل إيقوم و يعثر...و الحمل الصارم ما يقدر ...يا موعود يا موعود
    أطـفـال  الـفرت  يجمعها...بأحضانه يمسح مدمعها ...يا موعود يا  موعود

    قـعـد مـا بـيـن إخوته و القلب هايم ...يدير إعيونه بين الأكبر و جاسم
    يـقـلـه  إقـعـد يـالأكبر لا تظل نايم ...عليل آنه و عليَّ فزعت  الوادم
    لا مـا تـخـمد نار أحزانه ...شيصبره الفاقد إخوانه ...يا موعود يا  موعود
    مـا  ينسه  الطف و لوعاته...مات و ما ماتت حسراته ...يا موعود يا موعود

    قـصـد  لـلمشرعه و إدموعه تتجاره ...مشه العمه يشوفه و يعرف  أخباره
    مـن شـاهـد يـمـينه و شاهد إيساره ...نده وين اليقوم و يطلب  إبثاره



    موقع القصائد الولائية © 2004 - 2013