» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 19/01/2013م - 4:53 م | عدد القراء: 8116



    هـذا الـعمر طيف... لحظاته  محسوبه
    و  اليصحه  يا حيف ... ما يلقه  محبوبه
    عـشناها  مأسات... و الدنيه  لحظات

    حـسافه  أهل  الوفه يبقون بس  ذكره
    قـضـيـنـاها سوه عالحلوه و  المره
    يـظـل  بالروح  عايش طيب  العشره
    تـمـنـيتك يعمري إتروح وي عمره
    مـا  يـرجع الراح ... لو عيني  أبجيها
    حـتـه الـجفن طاح... عالما يمر بيها
    بيدي  الفرح  مات... و الدنيه لحظات

    إشـعـنـدك  يا زمن غير الحزن  قلي
    عـشـت  ويه المدامع من عفت  أهلي
    عـزيـز الروح راح و غيره ما ظل  لي
    دفـنـته  إبكربله  و هيهات يرجع  لي
    بـجـفوفي لميت ... أوصاله يا  دهري
    يا  بويه ناديت ... و الله إنكسر  ظهري
    مـا أنسه هيهات ... و الدنيه  لحظات

    أريـد الـنـوم بلكي إبنومي  أنساهم
    أول  مـا أغـمـض إعـيوني  ألقاهم
    ألـف  مـوتـه و لا نـيران  فرقاهم
    و ألـوم الـروح مـا ظـليت وياهم
    الـمـيـت إرتاح... و آنه إنشغل بالي
    لـو  أفدي  أرواح ... ما يرجع  الغالي
    صارت  حكايات ... و الدنيه  لحظات

    آنـه  الـذبحوا أهلي و شفت  ذبحتهم
    و أشـاهـد روسهم و إرماح  رفعتهم
    إشكبر صبري و أشوف الخيل سحقتهم
    عـطاشه  و ظلت إعله الماي  حسرتهم
    يـالتشرب الماي... لا تنسه أبو  الأكبر
    و  إتـذكر إوياي... قلبه الذي  إتفطر
    هـاي  المواسات ... و الدنيه  لحظات

    إخـويـه  إيـغـمـض إعيوني  تمنيته
    أظـن  مـثـلـي  تمنه و آنا ما جيته
    يـجـيني إشلون و آنه إبلحده  خليته
    صـحـت يـحزام ظهري ليش ناديته
    طـبـع الإخو إيريد... من  اليودعونه
    يـحضر له العضيد ... و يغمض إعيونه
    صـارت  معانات... و الدنيه  لحظات

    أعـرفـكـم ابـنـفسي لو عرفتوني
    أنـا الـسـجاد أنا و هالليله  ودعوني
    إذا  شـفـتـوا عليل إينوح  إذكروني
    و آنـه الـبـلـحبل يا شيعه  قادوني
    قـادونـي بـحبال... و إعيالي قادوها
    تـاذيـنـي  الأطفال... لمن يضربوها
    طـول  المسافات ... و الدنيه  لحظات



    موقع القصائد الولائية © 2004 - 2013