» وشْهالعرس لَقشر عليّه يامسلمين  » طلعت سكينه تجذب الونّه خفيّه  » يالّذي اعله المشرعه ظلّت رميّه جثّته  » خجلانه اهواي...يا جاري الماي  » مشينه سوه الدرب...حفظناه عله القلب  » يا مالكَ الشُّعورِ و اللّا شُعورْ...سَـعْـياً على الرؤوس جئنا نزورْ  » تحياتي و سلامي...معَ كل إحترامي  » عجب يالناشدت ليش الدمع يجري  » سلام عالحره و أخوتها...كتاب ما يروي قصتها  » يا بو الأكبر نظل وفايه  

  
  • أضف الموضوع


  • الشاعر السيد سعيد الصافي الرميثي - 08/02/2013م - 5:39 ص | عدد القراء: 1863



    يـا  عـبـاس إتـرجـيـنه ...بالماي إتعود لينه
    و إنـتـظـرنـه...يا فخرنه ...بالماي إتعود  لينه

    واعـدتـنـه يـبـو فاضل إتوصل الماي و تجيبه
    و  تـروي يا خويه ضمانه و كل قلب يطفي  لهيبه
    و هـذي يا بو الغيره عندك سهله مو حاله  عجيبه
    و  الـبـعـيده إعلينه ندري يا شهم عندك  قريبه
    و  إنـعـرفـك يـا والينه...يا كافلنه و  حامينه
    الـصعبه  تسهل...و  كنا نأمل...بالماي إتعود  لينه

    إبـعـيـنـك الحاله شفتها بالعسر و إنت  يسرها
    هـاي الأطـفـال العطاشه يكلف إعليها  صبرها
    و  الأم الـترضع طفلها من العطش يابس  صدرها
    و  سـكـنه المواعدها خويه شابح الدربك نظرها
    تـنـشـد يا خويه إسكينه...عمي إتعطل جاوينه
    و عـاهـدتـنـي...واعدتني...بالماي إتعود  لينه

    جـم  طـفـل عـنك نشدني و آنه محتاره شقله
    و الله يـا خـويـه جوابي حسرتي و دمعي الأهله
    إفـرض ابـسـاعـة وداعـك بالصبر قلبي  تحله
    و لـمـن إيـطـول غيابك صبري يا عباس أمله
    قـلـبي  التصفق جنحينه...إيقول إصبرنه و تانينه
    و  ودعـتـنـي...و أمـلتني...بالماي إتعود  لينه

    تـنـتـظر عباس أخوها زينب و حسرتها  حسره
    سـاعـه  لن حسين إجاها جدمه يعثر محني  ظهره
    و  الـدمع  يجري إعله خده و القلب خانقته  عبره
    صـاحـت  إخـبرني  إشعلامك وش إيحيره  أمره
    إيـقـلها  إنقطعن جفينه ...و طفوا يا زينب  عينه
    إتـقـلـه وسفه...إبقلبي لهفه...بالماي إتعود  لينه

    سـمـعـت حـسين إشيقلها زينب الحره الحزينه
    إتشوف الأطفال إعتنوها و كل طفل مشبوحه عينه
    إشـبـيدي  يا  عمه تقلهم و ما أظن عمكم يجينه
    سـلـمـت أمري و أمركم الواحد الما تغفه  عينه
    صـاحـوا عـمه إتربينه ...يرجع عمنه و  يروينه
    إبشده  طحنه...و نرجه صحنه...بالماي إتعود  لينه

    صـاحـت  إبـشوغه قلبها يا من ابعهدك  جبتني
    الـنـاقـتـي تـبره يخويه و بالدرب ما  فارقتني
    و تـالـي مـا بـين الشماته يا بو فاضل  ودعتني
    و  قـبـلـك اتـمـنه المنيه يا قمر هاشم  لفتني
    إبـحـيـره إخلافك ظلينه...و الخيل إتحط إعلينه
    و كـل رجـانـه ...يا حمانه ...بالماي إتعود  لينه



    موقع القصائد الولائية © 2004 - 2013