يـولـيدي  خليته  إعله إيديه القلب ...و إعيوني ما بين السمه و  الدرب والـده و أرفـع شـكـوتـي...يـا ربـي إسـمع دعـوتي دعوتي يـالـغـيرك ولد ما عندي بدنياي...و آنا أمك و أطلبك يا علي  برباي يـبني  الخيمتي  امن البعد شفتك جاي...أثاري معتني إتريد الوداع  إوياي ودعـتـك  و دمـعـي لـهيب و نزل ...وياك أودع يا علي كل  أمل نـاديـت يـبـنـي إبـلـوعـتـي...يـا ربـي إسمع دعوتي دعوتي ويـنك صحت يالكاشف حزن يعقوب...يالرجّعت يوسف رجع  المحبوب عـلي إسمه إعله شريان القلب مكتوب...وشبيدي حنان الوالده  مطلوب بـيـن  الأمـل و الخوف يبني طحت ...راحت إوياك الروح لمن  رحت و إرفـعـت طـارف خـيـمـتـي...يـا ربـي إسمع دعوتي  دعوتي أبـوك حـسين أسمع إيصيح يا ليله ...علي إبنج إبشده و قومي إدعي  له وجـهـت الـوجه للباري أشكي له ...و بدموع الغريبه الثكله أبجي  له أقـسـم عـليك إبشرف سيد البشر...إحفظ شباب إوليدي من  الخطر و إكـشـفـت راسـي إبـشـوغـتـي...يا ربي إسمع دعوتي  دعوتي أقول  إشلون  أهجع و أستقر و أرتاح...يوحيد عليك أصفق الراح  إبراح وجـهـك  يـا شبيه المصطفه مصباح...يبني إبشوفتك هم القلب  ينزاح خـلـفـك صـحت آنا أمك إمروتك...وياك إخذني يا علي  الحومتك ويـاك أريـدن ذبـحـتـي...يـا ربـي إسـمـع دعـوتي دعوتي قـلـب أمـك حـنـين و محد إيلومه ...يبني من يروح إوياك  للحومه يـالـوجـهك قمر و أخلاقك إنجومه...عقب عينك زماني إتخيم  إغيومه و إنـت الـمـثـل نـور البدر طلعتك ...تظلم الدنيه يا علي  إبغيبتك جـا بـعـد شـلـي إبـدنـيـتـي...يـا ربي إسمع دعوتي دعوتي حـيـلـي رجـع ليه من إرجعت سالم...بيدك يا عزيزي راس إبن  غانم مـثـل جـدك علي هيبة بني هاشم...تريد إتروح شفتك للحرب  عازم حـيـلـي  يـالأكـبر مطلبك هدّمه ...لمن طلبت الماي تشفي  الضمه أرويـك ريـت إبـدمـعـتـي...يـا ربـي إسـمع دعـوتي دعوتي شـفـت حسين راجع من بعيد إيلوح ...جايب جثتك للخيم يا  مذبوح عند أمك و أبوك إشلون ظلت روح...من شافوك دامي إبكل كتر مجروح و  الـزيـنـب إبـهـالـحال من شافتك...هلت نواظرها دمه عمتك ريـتـك تـعـايـن حـالـتـي...يـا ربـي إسـمع دعوتي دعوتي