أضف الموضوع
الشاعر السيد سعيد الصافي الرميثي - 04/11/2013م - 4:48 م | عدد القراء: 2007
رغم الأعداء...هاي الأصداء...صوت الضماير عوف الآراء ...واجب إحياء...هاي الشعاير غاية مجدنه...سر معقتدنه
للمؤمن كتاب الخالق القدوه و عدنه من الرسول المصطفه إسوه مو عن عاطفه من نعشق و نهوه تعظيم الشعاير غاية التقوه من القرآن ...هذا البرهان...و الباري شاهد طول الأيام...دين الإسلام...مفهومه واحد من إنولدنه...و سر معتقدنه
شعايرنه إبيقين و تقوه نحييها قيمنه إبكل زمان إتجسدت بيها و جم ظالم طغه و ما قدر يمحيها و مضمون الشرف كله إبمعانيها يحمل أسرار...بيد المختار...منظر صورها عبر الأمثال...ويه الأجيال...خالد ذكرها و إحنه إعتقدنه...سر معقتدنه
حديث الجعفر الصادق ينقلونه و أهل المعرفه مسند يأكدونه يا شيعه أمرنه فرض تحيونه لون سيل الدمه الأجله تقدمونه أمرك ينطاع...و إحنه الأتباع...واجب نطيعه منطق معقول...و إشلون إنقول...نتسمه شيعه نوفي إبوعدنه...سر معقتدنه
من طبع المحب يوصل المطلوبه لون يفدي إبحياته الأجل محبوبه تريد إمن الحسين إيكفر إذنوبه و حروف إسم الحسين إبقلبه مكتوبه من المحبوب ...هيهات إيتوب...هذا شعاره إحجي إبكل يوم...لا إتظن اللوم...يحرف مساره ثابت عهدنه...سر معقتدنه
محبتنه و شعايرنه مضره اللي يفسرها نفوس إنفوسنه و إحنه النخيرها إشلون اللي ملك حبها ضمايرها كلام إبلا سند يقدر يغيرها وين إنت ووين...عشاق الحسين...شوف الكرامه إبقه إبمسراك...نتلاقه إوياك...يوم القيامه و شاهدنه عدنه...سر معقتدنه |
|