أضف الموضوع
الشاعر السيد سعيد الصافي الرميثي - 06/11/2013م - 12:12 ص | عدد القراء: 4531
آنه يا حيدر غريبه غريبه غريبه ...إتحملت أعظم مصيبه مصيبه مصيبه
بويه ليك إتوجهت...يا علي إبشده طحت
للغري إتوجهت و إدموعي تسيل...صحت بويه أنخاك يا عقد الوله
حاضر الشدات يا حامي الدخيل ...ردت من عندك تجيني الكربله
قوم شوف حسين عالغبره جتيل...و آنه يبو حسين طحت إبمشكله
عالنهر مذبوح عباس الكفيل...بعد جا يا هو اليحامي العايله
بويه حيرني زماني زماني زماني...و بأمل جيتك أتاني أتاني أتاني
زينب آنه إتمحنت...يا علي إبشده طحت
بويه تعذرني إذا طال العتاب...لون غيرك يا علي ما عاتبه
أرد أنشدك و أنتظر منك جواب...إشلون ترضاها أظل إمدولبه
شفت بويه إمصاب أكلف من مصاب ...و جم سهم جتال قلبي صوبه
قمر خدري ساعة الأنوه الغياب ...عافني إبطف كربله متغربه
من هوت راية كفيلي كفيلي كفيلي...يا علي إتصوب دليلي دليلي دليلي
عقب عينه إتحيرت...يا علي إبشده طحت
بويه ريتك تنظر حسين الغريب ...ساعة الحزوا يحيدر منحره
إيصيح هل من ناصر و هل من مجيب ...و أهله و أصحابه ضحايه إمجزره
عله الغبره إموسد و جسمه سليب...يا علي و إضلوع صدره إمكسره
و أشرفت شمس النهار إعله المغيب ...و الخيم نيران بيها إموجره
بويه يا والي اليتامه اليتامه اليتامه ...خيّم الليل بظلامه بظلامه بظلامه
و إبهضم للتل شطت...يا علي إبشده طحت
بين طفله و طفل مذعوره يصيح ...وين أبويه إبيا كتر يا عمتي
و لن حميده تبجي و إتقوم و تطيح ...خايفه و إتقول ضيعت إخوتي
و لن سكينه إعتنت لحسين الذبيح...إتقله بويه إقعد و نشف دمعتي
و آنا يا عقد الوله إبقلبي الجريح ...صحت يا ريتك تشاهد حالتي
و الأشد و الأصعب رقيه رقيه رقيه...زادت إمصابي عليه عليه عليه
من شفتها إتألمت...يا علي إبشده طحت
آنا زينب صرت مكور للهموم ...امن المصايب بويه شحجي لك بعد
من بعد هالليله ريته لا يدوم...و قصر عمري و قرب من عندي الوعد
و الرباب إقبالي يا حيدر تحوم ...ساعه تبجي و ساعه لتهز بالمهد
و اليشاهد حالها ما ظن يلوم...إتصيح إقعد خل أرضعك يالولد
و ليله قعدت يم ضمدها ضمدها ضمدها...قامت إجروحه تعدها تعدها تعدها
روحي راحت من رحت ...يا علي إبشده طحت
لون بيدي للنهر جان إعتنيت...و حشمت عباس سبع القنطره
قمر هاشم خاف يزعل لو مشيت...و آنا بوجود الكفيل إمقدره
أرد أقله إبحال زينب ما دريت...من عقب عينك بقيت إمحيره
و موقف الشفته و هدم حيلي و هويت...رمله يم جاسم بجت يا حيدره
زفته جانت مصابه مصابه مصابه...و إنطفت شمعة شبابه شبابه شبابه
قابلت رمله و نحت...يا علي إبشده طحت |
|
