يا     كربله...    بيج    إندفن    أشرف    بدن أرض    العله...    بيج    إندفن   أشرف    بدن آنا  السلمتج  ولياني...أدري  إبقاعج  ما   تنساني يا  كربله  إبهضم  اليسر  جيت  و جنت  متيسره آنا   العقيله   بت   علي   ووصتني   بيج  الزهره قالت   إخوتج   تندفن   إبقاع   الطفوف    الحره أشرف  و  أطهر  كل أرض و إعله الفخر مفتخره أرض    الوفه...    بيج    إندفن   أشرف    بدن قاعج   شفه   ...   بيج   إندفن   أشرف    بدن بترابج  داويت  أحزاني...أدري  إبقاعج ما  تنساني آنا  إخت  مقطوع  النحر  و  قاعج  أظن عرفتني و  إشلون  تنسيني  و  أنا  البيج  العده   هضمتني إتذكريني    حين   إتحيرت   و   العسكر    إتعنتني و   حرقوا   عليَّ   خيمتي   وويه   الحرم   سلبتني و   آنا   الشفت...   بيج   إندفن  أشرف   بدن حين   إعرفت   ...   بيج   إندفن  أشرف   بدن سلمتج  زهرة  وجداني...أدري  إبقاعج ما تنساني من  تربتج  قبضه  خذت  و  داويت قلب  أيتامي و   هانت  عليَّ  إمصيبتي  و  إستسهلت   آلامي و   إعليج  ما  أعتب  أبد  و  اعتب  عله   أيامي هيه   السلبت   عيلتي   و  شبت  لهيب  إخيامي رغم    الدهر...    بيج    إندفن   أشرف    بدن نلتي    الفخر...    بيج    إندفن   أشرف    بدن تدريني إبدهري إشراواني...أدري إبقاعج ما  تنساني إبكل  ذره  من  قاعج  صور إبدم إخوتي  مرسومه هم   آنه   ظالمني  الدهر  و  هم  تربتج   مظلومه و  يا  فاجعه  اللي  تنسي  أنسه  الغريب  و  يومه لو   أنسه   نيران   الخيم   لو   عيلتي    المهضومه دمعي   كتب   ...   بيج   إندفن   أشرف  بدن نلتي   الرتب   ...   بيج   إندفن   أشرف    بدن ظل  إيردد  بيج  إلساني...أدري إبقاعج ما  تنساني ودعت   عندج   إخوتي   و  عنج  رحت   مسبيه و   إعيوني   تشبه   تربتج   ووصفج   تحقق    بيه مخضوبه  إنتي  إبدم  هلي  و  عيني  إبدمع   مدميه و  اليوم  إجيت  إمن السبي و فرقتج صعبه  إعليه جيت   و  صحت...  بيج  إندفن  أشرف   بدن صحت  و  نحت  ...  بيج  إندفن  أشرف   بدن نثّرت إهمومي و أشجاني...أدري إبقاعج ما تنساني وين   إخوتي   يا   كربله   و   بيا   كتر   دفنوها بالماي    هم    إتغسلت   لو   بالدمه    غسلوها و   بالجفن   هم   إتجفنت   لو   بالترب  جفنوها و    خاتمة    آل    المصطفه    بأشرف    واروها و    الخاتمه    ...   بيج   إندفن   أشرف    بدن من   فاطمه   ...   بيج   إندفن   أشرف    بدن جيتج  و  إترابج  يتناني...أدري إبقاعج ما  تنساني