» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر واثق العيساوي - 06/12/2013م - 10:08 ص | عدد القراء: 2967



    سماوات   و   أرض   تنعه   ...بجت   وي  كل  جرح  دمعه  ...إلك   يحسين
    مهج    و    أرواح    مجتمعه    ...عمر   صار   الحزن   طبعه...إلك   يحسين

    عجيب إنت و عجيب أمرك نحير إوياك ...أظن دمك نزف بالطف سحر وضاك
    بنه  نحرك  عرش  للحب  عليه  خلاك  ...نسينه  الدنيه  يالغالي  و  لا  ننساك
    تحير    العاشق    بأمره    ...يظل    بين    العشق    ...عبره    إلك    يحسين
    بنينه   إبكل   قلب  حضره  ...  عرش  بس  السمه  إبكبره  ...إلك   يحسين

    لقينه     الجنه    بجفوفك    معانيها    ...أصابع    بالدمع    نقعد     نحاجيها
    عشر   أبواب   للجنه   نلاقيها   ...يمن   جفك   نقص   خنصر   بعد    بيها
    على     جفك    ألم    شفنه    ...نضحي    الغالي    تعرفنه...إلك    يحسين
    يمن    إسمك    يشرفنه    ...عقلنه    و    كل    عواطفنه   ...إلك    يحسين

    يمن   حبك   رسم   دنيه   إبمعانيها  ...ظلام  الطف  إجه  الشمسك   يطفيها
    لقه    إبصدرك   نجم   ينزف   يضويها   ...لقه   إبنحرك   نهر   بالعز    يرويها
    شمس    من   النحر   تطلع   ...نروح   و   هم   نرد   نرجع...إلك    يحسين
    نصيح   إبصوتك   و   تسمع   ...أبد   ما   ينشف   المدمع  ...إلك   يحسين

    أثر   منك   على  كلشي  حزن  نلقاه  ...إبليالينه  كبر  بينه  و  نعيش  إوياه
    عشق  يجري  ابمسار  الدم  و  لا  ننساه  ...يبو  اليمه القلب عاشق نهيم إوياه
    يدق    ويَّ    النبض    إسمك   ...إخذ   كل   الدمع   يمك...إلك    يحسين
    جراح   الطّرزت   جسمك   ...تون   من   ينرسم   رسمك   ...إلك    يحسين

    عشت  بينه  يبو  اليمه  نفّس  بالروح  ...تعلمنه  الوكت  ما  يمر  بلايه  إجروح
    رغم  راسك  على  رمحك  عرش  مذبوح  ...إلك صرخه عله الظالم تهد إصروح
    شمس   بإسم   المجد   تسطع   ...فضل  كل  ثوره  هم  يرجع...إلك   يحسين
    يضامي    إبساعة    المصرع    ...عزاء    العالم    إشيصنع   ...إلك    يحسين



    موقع القصائد الولائية © 2004 - 2013