» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 07/02/2014م - 9:34 ص | عدد القراء: 39646



    بسم  الله  سل  سيفه  ...موته  أصبح  إبكيفه
    يشبه   عمه   عباس...   يشبه   عمه   عباس
    من   هيبته   و   جماله...حته  الزعل   حِلاله
    يشبه   عمه   عباس   ...يشبه   عمه   عباس

    يتمايل   غزل   مثل   الغصن   بعيونه    همسه
    يهمس   للهوه  و  حته  الهوه  يخجل   يلمسه
    يا  شمس  الضحه  غيبي  دهر  تكفيني   شمسه
    من  عين  الحقد  و  أهل الحسد يا رب  تحرسه
    مثل   البدر   يسطع   ...لازم  وجهه  يتبرقع
    يحذر    نظرة    الناس...يحذر   نظرة   الناس
    ينضح   وفه   و  بساله...حته  الزعل  حِلاله
    يشبه   عمه   عباس...   يشبه   عمه   عباس

    يستاهل   زعل   يوم   الفصل   يوم    الكرامه
    يحمل   غيرته  و  غيرة  علي  و  غيرة   عمامه
    يندار   الفلك   من   طلعته   و  غيّر   نظامه
    أشرق     كالبدر     أرباتعش    تم     بتمامه
    بيمينه   صمصامه   ...فرت   كلها    جدامه
    ظلمه   و  هو  نبراس...ظلمه  و  هو   نبراس
    يتفنن     بقتاله     ...حته    الزعل    حِلاله
    يشبه   عمه   عباس...   يشبه   عمه   عباس

    فزعت  هاشم  و  عرق  الغضب  طق  بوريده
    لجل  إبن  النبي  فدوه  العمر  و  الموت  أريده
    خسران   الذي  حارب  علي  و  بايع   يزيده
    خلي    ينتظر   يوم   الحشر   منهو    اليفيده
    و   الما   عمت  عينه...بس  الينصر   حسينه
    باجر   يرفع   الراس   ...باجر   يرفع   الراس
    يتقدم     بجلاله    ...حته    الزعل     حِلاله
    يشبه   عمه   عباس...   يشبه   عمه   عباس

    قلهم  لو  إلي  شمس  و  قمر  و إسنيني ألفين
    أرفض  هالملك  و  أقبل  عبد يملكني  الحسين
    ذكرنه   إبعزم   راعي  العلم  من  حومر   عين
    أدري   من   نظر   عباس   إله  يتمنه   جفين
    من   خزرة   إعيونه   ...صار  الكل   يهابونه
    يزأر    كأنه    عفراس...يزأر   كأنه   عفراس
    يتميز    بخصاله    ...حته    الزعل     حِلاله
    يشبه   عمه   عباس...   يشبه   عمه   عباس

    يقسم    بالخدر   و   أم   الخدر    متخوفوني
    آني    الهاشمي   شبل   الحسن   إن   تنكروني
    شيمتكم    غدر    وجه   إبوجه   متواجهوني
    أخضع   و   أنكسر   أهلي  أبد  ما   علموني
    كل   ظالم   إنقله   ...لا   ما   نقبل    الذله
    كلمه  القطع  الأنفاس  كلمه القطع  الأنفاس
    جن   صاحب   الكفاله   حته  الزعل  حِلاله
    يشبه   عمه   عباس  ...  يشبه  عمه   عباس

    موجود    الحسن    بالمعركه   ينصر    عضيده
    إبنه   مثلّه   نفس   الوفه   و  نفس   العقيده
    طر    الميمنة    مثل    الصقر   يتبع    طريده
    شن   عالميسره   و   اليهرب  إبسيفه  يصيده
    شاب    بزغر    سنه   ...محد   يقترب    منه
    صعبه إحدوده تنداس...صعبه إحدوده تنداس
    يرعبهم    بخياله    ...حته    الزعل     حِلاله
    يشبه   عمه   عباس  ...  يشبه  عمه   عباس

    أجمل   ذاكره   و   القنطره   بالطف    ذكرها
    حته   ابكربله   جيش  العدو  يحجي   ابخبرها
    شبل    المجتبه    و   الموزمه   يكسر    ظهرها
    و   السبعين   ألف  شسع  النعل  بيّن  قدرها
    ابخطواته     يتبختر...يوم    القنطره     إتذكر
    راد    ابعمه    ينقاس...راد    ابعمه    ينقاس
    بيها    إنضرب   مثاله   حته   الزعل    حِلاله
    يشبه   عمه   عباس  ...  يشبه  عمه   عباس



    موقع القصائد الولائية © 2004 - 2013