» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد سعيد الصافي الرميثي - 21/02/2014م - 12:24 ص | عدد القراء: 9128



    يالعايش  ابروحي  ...يا  بلسم إجروحي
    غابت  حياتي  ابغيبتك  ...بويه ...  بويه

    طفله  و  يغطيها  الحزن  وي كل  مسيه
    تختلف   عن   كل   الدمع  دمعة   رقيه
    تتأمل   الراح   ابسفر   من  عنده   جيه
    صاحت  يا  راحل  غيبتك  طالت  عليه
    و   بوحشة  إظنوني  ...تنتظرك   إعيوني
    محتاجه  عطفك طفلتك ... بويه ...بويه

    أقرب   عليك   امن   النفس  يالعودتني
    لو  مر  عله إعيوني الوسن بويه و  شفتني
    إيدك    وسادة    راحتي    لو     نيمتني
    و  إشلون أصدق سافرت عني و  عفتني
    بالهوه   إمشاركني  ...و  إشلون   تتركني
    تذكرني  حته  إبشهقتك ...بويه ...  بويه

    آنا   أدري   يجرح  عمتي  عنك   سؤالي
    يوميه   و  اتقلي  يجي  و  إتراعي   حالي
    ما  عودتني  اعله  الهجر  يالعندي   غالي
    كل لحظه كل ساعه التمر إنت اعله بالي
    يا   شمعة   اسنيني  ...ما  فارقت  عيني
    بصبيها  طابع صورتك ... بويه ...  بويه

    بالدرب   جانت  ناقتي  خلف  الضعينه
    كل  ظني  رد  بينه  الزمن  لرض  المدينه
    من  شفت  زينب  عمتي تبجي و  حزينه
    قلت  إلها  إذا  بويه ابسفر جا عمي وينه
    وينه    التكفلنه   ...وينه   اللي   دللنه
    وياك  جانت إبسفرتك ... بويه ...  بويه

    حسبت  يرجع  والدي و لو حالي  شافه
    جفه  العطوف  ابلمسته جرحي  ايتشافه
    ما  حسبت  يطوي  العمر  بُعد  المسافه
    بالشام  جم  مره اصفقت جف  الوسافه
    ليزيد      طبينه     ...يتفرج      اعلينه
    ظني  إنقطع من جيتك ... بويه ... بويه

    سبي   الأجانب  عل  الهزل  لمن   سبونه
    من   الضرب  أكثر  هضم  لو   شتمونه
    أكبر    جرح   يا   والدي   بيه    ألمونه
    بويه   ابخرابه   ابلا  سقف  من   قعّدونه
    و  إحنه  الوطن  جدنه ...ننتظرك إتردنه
    إفزع   علينه   إمروتك   ...  بويه   بويه

    يا  بويه  بد  بيه  التعب  و  النوم  إجاني
    لحضانك  ابجنح  الأمل  حلمك   خذاني
    من  شفتك  ابلهفه  صحت عوّد  حناني
    ما   أدري   يجرح  خاطري  غاية   زماني
    حلمك  ذبح  نومي  ...رجعّني   لهمومي
    فزّز   إجروح  إبشوفتك   ...بويه...بويه

    يا  حلم  صحت  إبيا  ذنب  رايد  أديتي
    طفله  و  أحن  الوالدي  جرحك  هديتي
    جابوا  لي  راسك  بالطشت يا قمر  بيتي
    حقي   على  راسك  لون  حلت   منيتي
    بعدك  شلي  بعمري ...و أتيتم  إبزغري
    ذبحوا  وجودي ابذبحتك ...بويه ... بويه



    موقع القصائد الولائية © 2004 - 2013