» گرت عيون علي ابهاي المسيه  » نحبكم يا أهل بيت الرساله  » چا وين المهدي الننتظره  » موسی ابن جعفر گضه ابلوعة السم  » الكاظميه يعني راهب ما ينام  » الكاظم شال ابوه وگلبه مالوم  » یا دمعة عيني الهماله  » جعفر الصادق گضه ابسم الغدر  » يبو محمد عرفتك گاضي الحاجات  » الليله نزلت روسها العترة الأمجاد  

  
  • أضف الموضوع


  • الشاعر السيد عبدالخالق المحنّه - 11/08/2014م - 11:43 م | عدد القراء: 9784



    بوابة    الشام...ترميني    بسهام...   صابن    دليلي
    لا  لا  تنظرون...  و  إسهام العيون ...تجرح  كفيلي

    يتعثر     ابجفني     الدمع     من    كثر     المصاب
    أحسبها    كل   نظره   إبسهم   نظرات    الأجناب
    قالوا   إجت   بنت   الوحي   بنت   الدحه    الباب
    هاي     اليجللها     علي    هاي    أم     الحجاب
    أعرف  قصدهم...و  أدري  ابحقدهم...طيلة  رحيلي
    يا  حيدر إشلون... و إسهام العيون ...تجرح  كفيلي

    وحده    وره    وحده   شرط   ندخل   عله    إيزيد
    حته       اليضدنه      إبراحته      يتفرج       إيريد
    عزفت     مزامير     الفرح     و     إتبارك     العيد
    آنا     غريبه     إبلا     حمه    و    إمقيده     الإيد
    أتمنه   موتي...من   بعد   أخوتي...يا   دمعه    سيلي
    وين  اليفزعون  ...  و إسهام العيون ...تجرح كفيلي

    يتصفح     اوجوه     النسه     و     يسأل     عليه
    وين      العقيله      أم     الخدر     جيبوها      ليه
    قالوا    له    هاي    أخت    القمر   عندك    سبيه
    أول    كلامه    سّب    علي    و    سّب    الزجيه
    ها  يا أخت الحسين...وين المفر وين ...أشفي  غليلي
    و أطفالي يبجون ... و إسهام العيون ...تجرح كفيلي

    ياللي      تشتم     والدي     و     أمي      الحبيبه
    هاللحظه     سبع     القنطره    من    وين     أجيبه
    و     إشلون    أبو    الغيره    صُبر    آني     الغريبه
    أعظم     مصيبه     إعله    الحرم    هاي     المصيبه
    قال  إلها  وينه  ...حامي  الضعينه ...صاحت  يويلي
    ياللي  تشتمون...  و  إسهام العيون ...تجرح  كفيلي

    ما   يستحي   و   أدري   الخجل   مو   من   صفاته
    يترنم      و      ينظر      إلي      إبعين      الشماته
    لنه     عله     إشفاف    السبط    تلعب     عصاته
    كل    قصده    يجرح    مهجتي    و   يجرح    بناته
    شتت    صبرنه...هيّج    جمرنه...آنا    و     عليلي
    بيد  اليكرهون...  و  إسهام العيون ...تجرح  كفيلي

    لا    تقرع    إقبول    النصر    لا    يبن     الأوثان
    دم     الحسين     المنتصر    و    الضده     خسران
    يالشايل     إبقلبك     وثن     و     بقلبي     قرآن
    أشرف    نحر    و    أشرف    دمه   قدّمته    قربان
    ما أشتكي الحال...آنا اخت الأبطال...ما كو  مثيلي
    خلهم  يشوفون ... و إسهام العيون ...تجرح  كفيلي

    شاء     القدر     يمك     أجي    مجتوفة     الإيدين
    قدامك    أنظر    للطشت    بيد    راس     الحسين
    لا    تغتر    بجيش    و   عرش   و   الدنيه    يومين
    رايتنه      ما      توقع      أبد      تلزمها      جفين
    أعرف   مقامك...و  أدري  بمرامك...تسمع   عويلي
    دمعاتي  متهون...  و  إسهام العيون ...تجرح  كفيلي



    موقع القصائد الولائية © 2004 - 2013